Форвард мінскага «Дынама»: Камунізм — гэта сапраўдная дыктатура
Пра гэта Ёзэф Штумпел заявіў у інтэрв'ю goals.by.
Славацкі форвард хакейнага «Дынама» Ёзэф Штумпел у інтэрв'ю goals.by распавёў, чаму ён вырашыў пагуляць у КХЛ, з-за чаго пакінуў «Барыс» і чым прыцягнуў яго Мінск, выказаў сваё меркаванне пра камуністаў, Глена Хэнлана, гольф, футбол і тэніс, распавёў аб сяброўстве з Зігмундам Палфі і Уладзімірам Цыплаковым, а таксама прызнаўся ў любові да роднай Славакіі.
- Ёзэф, вернемся ў самы пачатак сезону. Раскажыце, чаму вы пакінулі Астану?
-- Сыход з «Барыса» адбыўся паводле маёй ініцыятывы. Мне прапаноўвалі пагуляць у Астане яшчэ адзін год, але я хацеў быць бліжэй да дому, да Славакіі. Я зрабіў гэта для сям'і. Астана – усё ж далекавата знаходзіцца ў геаграфічным плане.
Але ж зарплата ў «Барыса» у вас была большай, чым у «Дынама».
-- Паўтаруся, з'ехаў адтуль з-за сям'і. А грошы ... За сваё жыццё я іх досыць зарабіў, каб цяпер не ставіць на першы план.
Маёй сям'і ў Казахстане не вельмі падабалася.
-- Можаце параўнаць Мінск і Астану?
-- У Казахстане зімой вельмі холадна. Лепш наогул не выходзіць на вуліцу. Мінск – бліжэй да Еўропы. Можна нават тэлебачанне славацкае ў Беларусі паглядзець. Авіязносіны са Славакіяй лепшыя. У Астане 2 ці 3 рэйсы ў тыдзень, у Мінску – хоць кожны дзень лётай.
Вы з'язджалі ў НХЛ у самым пачатку 90-х гадоў мінулага стагоддзя. Вас не спрабавалі ўтрымаць? Не прыйшлося ці ляцець у Паўночную Амерыку тайком, хаваючыся ад уладаў?
- Перад ад'ездам у НХЛ я гуляў у Германіі, у якую з'ехаў з Славакіі без праблем. Без праблем паляцеў і ў ЗША. А наконт таемных уцёкаў хакеістаў, гэта было пры камуністах, пры іх сапраўды нікуды нельга было выехаць
- А як вы наогул ставіцеся да такога палітычнага ладу, як камунізм?
- Свабоды няма ніякай, гэта самая сапраўдная дыктатура.
- За столькі гадоў, пражытых у ЗША, вы не сталі амерыканцам? Дзе плануеце жыць пасля заканчэння кар'еры?
ЗША, безумоўна, далі мне вельмі шмат,
але я - славак, заўсёды быў ім і назаўжды ім застануся.
Я вельмі люблю сваю радзіму, пастаянна прыязджаў дадому пасля кожнага сезона ў НХЛ, заўсёды імкнуўся гуляць за зборную. Пасля завяршэння кар'еры асабіста я хачу вярнуцца ў Славакію і жыць там, але зраблю так, як вырашыць сям'я (у Ёзэфа Штумпела – трое дзетак).
Поўная версія інтэрв'ю Ёзэфа Штумпела
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве31
Каментары