Bolšaść podpisaŭ za Pravalskaha pryznanyja niesapraŭdnymi
Bolšaść podpisaŭ, padadzienych u padtrymku vyłučeńnia kandydatam na pasadu prezidenta Uładzimira Pravalskaha, pryznanyja niesapraŭdnymi. Pra heta paviedamiŭ člen Pieršamajskaj rajonnaj vybarčaj kamisii Viciebska Alaksandr Hančaroŭ.
Nahadajem, za indyvidualnaha pradprymalnika ź Viciebska Uładzimira Pravalskaha było sabrana 109 tys. 338 podpisaŭ, pryčym praktyčna ŭsie ŭ adnym — Pieršamajskim — rajonie hetaha abłasnoha centra.
Hančaroŭ paviedamiŭ, što bolšaść padpisnych listoŭ, zdadzienych u kamisiju inicyjatyŭnaj hrupaj Pravalskaha, — ksierakopii. «Dla mianie heta było bačna niaŭzbrojenym vokam, ale my ŭsio ž nakiroŭvali ich na ekśpiertyzu ŭ orhany ŭnutranych spraŭ», — zaznačyŭ jon.
Kiraŭnik rajonnaj vybarčaj kamisii nie staŭ nazyvać, jakaja kankretna kolkaść podpisaŭ u padtrymku Pravalskaha pryznana niesapraŭdnaj, bo na abnarodavańnie hetych źviestak jamu nieabchodny dazvoł staršyni kamisii. Razam z tym, paviedamiŭ Hančaroŭ, sapraŭdnych podpisaŭ niedastatkova dla rehistracyi Pravalskaha kandydatam na pasadu kiraŭnika dziaržavy.
Jak paviedamlałasia raniej, 5 listapada staršynia Centrvybarkama Lidzija Jarmošyna zajaviła žurnalistam, što va Uładzimira Pravalskaha tolki 700 realnych podpisaŭ. Pavodle jaje słoŭ, astatnija podpisy — heta ksierakopii hetych siamisot podpisaŭ.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary