Na pieršych paśla Bakijeva svabodnych vybarach raśćviło sto kvietak.
U Kyrhyzstanie praciahvajecca padlik hałasoŭ na parłamienckich vybarach. Pavodle aficyjnych źviestak udzieł u hałasavańni pryniali 57% vybarcaŭ.
Na pieršaje miesca ź nievialikim adryvam vyjšła nacyjanalistyčnaja partyja, što adstojvaje intaresy poŭdnia krainy — «Ata-Žurt» (Ajčyna). Jana źviazanyja z eks-prezidentam Bakijevym, taksama vychadcam z poŭdnia.
Ale
adnosnuju bolšaść hałasoŭ zavajavali Sacyjał-demakratyčnaja partyja i prazachodniaja partyja «Ata-Miekien» (Baćkaŭščyna), na jakija abapirajecca dziejny ŭrad.
Dobry vynik pakazała i prarasijskaja partyja «Ar-Namys» (Hodnaść). Pavodle papiarednich źviestak, jana pakazała treci vynik.
Kožnaja z hetych partyj atrymaje ad 15 da 25% miescaŭ u budučym parłamiencie.
Va ŭrad prachodzić taksama partyja «Respublika». Mahčyma, šostaj parłamienckaj partyjaj stanie apazicyjnaja Časovamu ŭradu hrupoŭka «Adziny Kyrhyzstan».
Treciaja ŭradavaja partyja, «Ak-Šumkar» (Bieły sokał), nie adoleła minimalny barjer.
Peŭna, što budučy ŭrad Kyrhyzstana budzie kaalicyjnym.
Paśla sioletniaj kanstytucyjnaj reformy Kyrhyzstan staŭ pieršaj parłamienckaj respublikaj u Centralnaj Azii. U vybarach udzielničała 29 partyj. Składanaja sistema raźmierkavańnia mandataŭ praduhledžvaje abaviazkovuju najaŭnaść u parłamiencie apazicyi. Kali jana zavajoŭvaje mała hałasoŭ, to joj pierachodzić bolš mandataŭ. Zrešty, takoha nie adbyłosia. U toj ža čas dla atrymańnia miescaŭ u parłamiencie partyjam treba zdabyć hałasy bolš čym 5% ad śpiskavaha składu vybarcaŭ i bolš čym 0,5% u kožnaj vobłaści krainy. Apošniaja miera maje zaścierahčy ad vychadu na scenu rehijanalnych i kłanavych partyj. Roda-plemiennyja suviazi pa-raniejšamu adyhryvajuć važnuju rolu ŭ ekanamična adstałaj, hornaj Kirhizii.
Naziralniki vykazvajuć sumnievy, ci ŭtrymajecca parłamienckaja sistema kiravańnia ŭ krainie ź nieraźvitaj palityčnaj kulturaj.
-
Adzin ź piłotaŭ sprabavaŭ nakiravać samalot u ziamlu, druhi pieraškodziŭ hetamu. Dramatyčnyja padziei na borcie z Dubaja ŭ Tel-Aviŭ
-
Rasijskija śpiecsłužby rychtavali zabojstvy Kasparava, Panamarova i inšych apazicyjanieraŭ — El Mundo
-
Pasolstva Rasii ŭ Irłandyi pryhraziła prymianieńniem jadziernaj zbroi ŭ vypadku błakady Kalininhrada
Kamientary