Z nahody
Pavodle słoŭ pasła KNR u Biełarusi Łu Hujčena, pieramoha ŭ hetaj vajnie aznačaje dla kitajskaha naroda vielmi šmat. Jana «pasłužyła mocnym padmurkam» dla raźvićcia KNR. U Kitai, adznačyŭ dypłamat, pamiatajuć i ŭdziačnyja tym, chto akazaŭ narodu krainy nieacennuju padtrymku, asabliva bajcam Savieckaj Armii, uklučajučy biełaruskich sałdat.
Adkazvajučy na pytańnie BiełaPAN, Łu Hujčen adznačyŭ, što vielmi vysoki aceńvaje siabroŭskija adnosiny, jakija skłalisia pamiž Kitajem i Biełaruśsiu. Pavodle jaho słoŭ, jany «paśpiachova raźvivajucca va ŭsich abłaściach». «U palityčnaj — my daviarajem adzin adnamu, u ekanomicy — vielmi kanstruktyŭna supracoŭničajem, asabliva sioleta», — skazaŭ dypłamat.
«Jak pasoł ja zaŭsiody za toje, kab razam z našymi biełaruskimi siabrami prykładać namahańni da dalejšaha raźvićcia našych siabroŭskich stasunkaŭ, — padkreśliŭ Łu Hujčen. — Karystajučysia vypadkam, chaču pažadać biełaruskaj dziaržavie roskvitu, a biełaruskamu narodu — ščaścia i dabrabytu».
Kamientary