Tankier z čarhovaj partyjaj vieniesuelskaj nafty dla Biełarusi ŭ porcie Kłajpiedy čakajuć uviečary 28 žniŭnia.
Jak paviedamiŭ dyrektar pa vytvorčaści kampanii «Kłajpiedas nafta» (naftaterminała kłajpiedskaha porta) Hiedyminas Vitkaŭskas, tankier z 80 tysiačami ton nafty pavinien prybyć u port u 23.00. Ranicaj 29 žniŭnia jon pryšvartujecca, i adrazu ž pačniecca pierahruzka nafty ŭ reziervuary. Paśla pravierki abjomu i jakaści nafta budzie pahružana ŭ čyhunačnyja cysterny i dastaŭlena na Navapołacki naftapierapracoŭčy zavod «Naftan».
Pahadnieńnie ab pastaŭkach u Biełaruś nafty ź Vieniesueły było padpisana ŭ sakaviku 2010 hoda. Da krasavika 2011 hoda pavinna być pastaŭlena 4 młn ton syraviny. Pastaŭki pačalisia ŭ mai i viaducca pieravažna praz port Adesy, adkul pa čyhuncy nafta dastaŭlajecca na Mazyrski NPZ. U lipieni ŭ jakaści ekśpierymientu adzin tankier ź Vieniesueły prybyŭ u estonski port Muuha. Hetaja partyja była pastaŭlena na pierapracoŭku na AAT «Naftan».
Biełaruski bok nie raz zajaŭlaŭ pra namier vyvučyć usie mahčymyja schiemy pastavak nafty ź Vieniesueły. Śpiecyjalisty źviartajuć uvahu na toje, što maršrut pieravozki syraviny pa čyhuncy z krain Bałtyi ŭ Navapołack istotna karaciejšy, čym z Ukrainy ŭ Mazyr.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary