ci ŭdzielničać u prezidenckich vybarach.
ci ŭdzielničać u prezidenckich vybarach.
Pavodle našaj infarmacyi, unutry Ruchu «Za Svabodu» aktyŭna abmiarkoŭvajecca admovy ad udziełu ŭ prezidenckaj kampanii. Sam Milinkievič kančatkovaha rašeńnia jašče nie pryniaŭ.
Čamu Ruchu moža admovicca ad vybaraŭ? Tut niekalki momantaŭ.Prezidenckaja kampanija na vałanciorskich pačatkach — ryzykoŭnaja sprava. Navat kali i ŭdasca sabrać nieabchodnyja 100 tysiač podpisaŭ, to nie budzie čym ahitavać.Pa-pieršaje , tak i nie ŭniesienyja źmieny ŭ vybarčaje zakanadaŭstva, jakoje b harantavała pradstaŭnikam apazicyi udzieł u pracesie padliku biuleteniaŭ.Pa-druhoje , Ruch nie maje finansavych srodkaŭ dla paŭnavartasnaj kampanii.
Lider moładzi z Salihorska Ivan Šyła ličyć, što ŭdzielničać treba ŭ kožnym razie.
«Kali nie budzie Milinkieviča, to, faktyčna, zastaniecca adzin kandydat — Niaklajeŭ. Čałaviek ź niezrazumiełymi pazicyjami pa bazisnych pytańniach.Jakoje staŭleńnie lidera «Havary praŭdu» pa Jeŭrasajuzie, Mytnym sajuzie? U jaho niama jasnaj prahramy. Ja nie viedaju, na jakija hrošy pravodzicca hetaja kampanija. Uvohule, dla apazicyjnaha asiarodka «Havary praŭdu» jak źjava bolš razburalnaja, čym stvaralnaja. Adsutnaść u błankach Milinkieviča budzie aznačać adsutnaść kandydata, jaki b simvalizavaŭ jeŭrapiejski vybar biełarusaŭ. Jon ci nie adziny, jaki nie šukaje vyhady ŭ chistańniach rasijskaha kiraŭnictva pa Łukašenku», — kaža I.Šyła.
Kaniečnie, nie vyklučany siurpryzy ad takich kandydataŭ, jak Andrej Sańnikaŭ ci Aleś Michalevič, ale najbolš ćviordyja pazicyi siońnia majuć jakraz Milinkievič i Niaklajeŭ. Dy i na ŭsich papiarednich vybarach nieabchodnyja 100 tysiač mahli sabrać tolki pa dva apazicyjnych kandydaty.
Małaimavierna, što ludzi, jakija siońnia padtrymlivajuć Milinkieviča, buduć pracavać na Niaklajeva. Niaŭdzieł u vybarach lidera Ruchu «Za Svabodu» moža pryvieści da taho, što na vybarach nichto nie budzie paśladoŭna prapahandavać nacyjanalnyja i jeŭrapiejskija idei.Zrešty, i bližejšyja paplečniki ŭhavorvajuć Milinkieviča iści na vybary. Dziejańnie lepšaje za biaździejańnie, miarkujuć jany.
Kamientary