«Drapiežniki», spradusavanyja Robertam Radryhiesam, sprabujuć viarnuć fantastyčnym palaŭničym-insektam byłuju słavu.
ZŠA, 2010, kalarovy, 106 chv.
Režysior: Nimrod Antał
Roli vykonvajuć: Edryan Broŭdzi, Tofer Hrejs, Alisi Braha, Deni Trecha, Ŭołtan Hohins, Łorens Fišbern
Žanr: Fantastyčny bajavik
Adznaka: 5 (z 10)
Kupka ludziej zakinuta nieviadoma kim u džunhli. Siarod ich — amierykanski desantnik, izrailskaja snajpierka, sieryjny zabojca, japonski jakudza. Hieroi — na palaŭničaj płaniecie Drapiežnikaŭ, i jany — zdabyča.
Karcina Nimroda Antała — sproba ažyvić piersanažaŭ, ź jakimi ŭžo adnojčy zmahaŭsia Arnold Švarcenehier u dalokim 1987 («Drapiežnik»). Praciah henaje stužki, što stałasia papularnaju, byŭ niaŭdałym. Jašče horšymi byli kinaskryžavalniki, dzie Drapiežniki łupcavali Čužyncaŭ. Sioletniaja karcina — pradusarskaja pieśnia Roberta Radryhiesa, jaki daŭno zachaplaŭsia členistanohimi palaŭničymi.
Dušnyja džunhli, hadkija sabaki Drapiežnikaŭ, bojka na miačach palaŭničaha i jakudzy, kaścisty Edryan Broŭdzi — i fiška ad Radryhiesa — Drapiežnik-mutant.
Nie samaja horšaja chronika «Drapiežnaha» žyćcia, ale stary aryhinał byŭ i praściej, i charyzmatyčniej.
Kamientary