Były hruzčyk ź biełaruskaj vioski akazaŭsia davieranaj asobaj kiraŭnika rasijskaha Śbierbanka Hiermana Hrefa
Žurnalisckaje rasśledavańnie pakazała, što ŭ asiarodździ kiraŭnika Śbierbanka Hiermana Hrefa jość biełarus, jaki vykonvaje rolu pamočnika i davieranaj asoby. Imavierna, jon zajmajecca rucinnaj pracaj (dastaŭka, pakupki, afarmleńnie dakumientaŭ), kab siamja Hrefa nie śviaciłasia ŭ bazach danych.
Spačatku telehram-kanał VČK-OHPU paviedamiŭ, što žonka kiraŭnika Śbierbanka Jana Href vykarystoŭvała dla afarmleńnia svaich kart u Śbierbanku «fantom» — imia «Paŭłaŭ Uładzimir Vasiljevič».
Žurnalisty «Sistemy» pravieryli ŭciečki danych i vyśvietlili: Uładzimir Paŭłaŭ — realny čałaviek. Jamu 43 hady, jon na siem hadoŭ maładziejšy za žonku Hrefa.
Paŭłaŭ vidavočna blizki da siamji Hrefa: jaho telefon u čužych zapisnych knižkach fihuruje jak «Hrief Hierman Oskarovič», «Vładimir Hrief», «Jana Hrief Archanhielskoje», «Vołodia Archanhielskoje» i «Ochr Archanhielskoje Vołodia».
U pasiołku Archanhielskaje niedaloka ad znakamitaj Rubloŭskaj šašy znachodzicca rezidencyja Hrefa.
Toj ža numar vykarystoŭvaŭsia dla dastaŭki tavaraŭ u Archanhielskaje.
Ad imia karystalnika «Maryja Href» (taksama kličuć adnu z dačok kiraŭnika Śbierbanka) u Archanhielskaje zakazvali BADy, a sam Paŭłaŭ fihuruje jak zakazčyk spreju suprać hrybka paznohciaŭ i akumulatara dla aŭtamabila Tesla (taki jość u Hrefa).
Dastaŭku ŭ Archanhielskaje zamaŭlała i žonka Hrefa — jak praviła, z premijalnych kram adzieńnia. Pry hetym paznačanaja ŭ zakazach žonki kiraŭnika Śbierbanka elektronnaja pošta taksama vykarystoŭvałasia i dla dastaŭki na adras Paŭłava.
U 2021‑m u jakaści miesca pracy Paŭłaŭ ukazvaŭ Śbierbank — heta vynikaje z kavid-propusku na dyzielny Chiendaj Santa Fe, uładalnikam i strachavalnikam jakoha ličyŭsia sam Href.
U propusku paznačany i pašpart Paŭłava — biełaruski. Zhodna z uciečkami, Paŭłaŭ naradziŭsia ŭ vioscy Mahiloŭskaj vobłaści i da pierajezdu ŭ Rasiju pracavaŭ hruzčykam na abłasnoj ptuškafabrycy.
Redakcyja nakiravała zapyty ŭ Śbierbank i na pošty Paŭłava.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary