15 červienia caviet respubliki nacyjanalnaha schodu ŭchvaliŭ zakonaprajekt «Ab amnistyi ŭ suviazi z 65‑hodździem Pieramohi ŭ Vialikaj Ajčynnaj vajnie 1941‑1945 hadoŭ».
U vyniku amnistyi moža być vyzvalena z papraŭčych ustanoŭ zakrytaha typu kala 2230 čałaviek, z ustanoŭ adkrytaha typu — kala 900 čałaviek, skaročany termin pakarańnia 9300 asudžanym.
Pavodle zakonaprajektu, pad vyzvaleńnie ad kryminalnaj adkaznaści i pakarańnia traplajuć nastupnyja katehoryi asudžanych:
‑ niepaŭnaletnija;
‑ ciažarnyja žančyny;
žančyny i adzinokija mužčyny, jakija majuć niepaŭnaletnich dziaciej;
‑ asoby pensijnaha ŭzrostu;
‑ invalidy;
‑ chvoryja na aktyŭnuju formu suchotaŭ;
‑ VIČ‑infikavanyja;
veterany bajavych dziejańniaŭ;
‑ udzielniki likvidacyi nastupstvaŭ katastrofy na ČAES;
‑ asoby, jakija atrymali ranieńni pry vykanańni abaviazkaŭ u peryjad prachodžańnia słužby.
Amnistyja nie raspaŭsiudžvajecca na asobaŭ:
‑ da jakich raniej užyvalisia amnistyja abo pamiłavańnie i jakija iznoŭ ździejśnili naŭmysnaje złačynstva;
‑ jakija nie pakryli naniesienuju złačynstvami škodu (za vyklučeńniem nazvanaj «ilhotnaj» katehoryi asobaŭ),
‑ jakija złosna parušajuć vyznačany paradak padčas adbyvańnia pakarańnia;
‑ pryznanych asabliva niebiaśpiečnymi recydyvistami;
‑ asudžanych da pažyćciovaha źniavoleńnia;
‑ kamu śmiarotnaje pakarańnie ci pažyćciovaje źniavoleńnie zamienienyja inšym pakarańniem;
‑ abvieščanych u vyšuk u suviazi z uchileńniem ad adbyvańnia pakarańnia;
‑ jakija ździejśnili zabojstva, zhvałtavańnie, razboj ci vymahalnictva z kvalifikujučymi prykmietami, a taksama bandytyzm, teraryzm, złačynstvy suprać dziaržavy;
‑ jakija stvaryli złačynnuju arhanizacyju, abo ŭdzielničali ŭ joj, albo ŭčynili karupcyjnyja złačynstvy z‑za karyślivaj zacikaŭlenaści;
‑ pryciahnutych da kryminalnaj adkaznaści za kiravańnie transpartnym srodkam u stanie apjanieńnia.
Heta ŭžo 11‑ia pa liku amnistyja, jakaja pravodzicca ŭ Biełarusi.
Apošni raz amnistyja ŭ Biełarusi pravodziłasia ŭ 2009 hodzie i była prymierkavanaja da 65‑hodździa vyzvaleńnia respubliki ad niamiecka‑fašysckich zachopnikaŭ.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary