Minčuk napaŭ u vahonie mietro na chłopca, jaki prasiŭ pakinuć jaho dziaŭčynu ŭ spakoi
Potym chłopiec daravaŭ ahresaru.
Poźnim viečaram, vypiŭšy napiaredadni 0,5 ł kańjaku, 28‑hadovy mužčyna jechaŭ u vahonie mietro. Na adnoj sa stancyj uvajšli chłopiec i dziaŭčyna, ź jakoj mužčynu zakarcieła pahutaryć, — jon sieŭ pobač. Heta nie spadabałasia jaje 17‑hadovamu spadarožniku, i junak paprasiŭ pakinuć ich u spakoi, pišuć Minsk-naviny.
Mužčyna adreahavaŭ nieadekvatna i kinuŭsia ŭ bojku. Jon nanios chłopcu nie mienš za dziesiać udaraŭ i šturškoŭ u hałavu i pa rukach, ad čaho toj, nie ŭtrymaŭšysia na nahach, upaŭ.
Paśla mužčyna pačaŭ cisnuć rukami na tvar i vušy, a taksama ŭkusiŭ chłopca. U kanflikt uklučyŭsia inšy pasažyr, jaki vycieśniŭ parušalnika spakoju na pieron stancyi mietro «Partyzanskaja».
Zaviali kryminalnuju spravu. Vinu toj całkam pryznaŭ, u zroblenym raskajaŭsia, z paciarpiełym pamiryŭsia.
— Abvinavačany pracaŭładkavany stropalščykam u pryvatnaj kampanii, raniej da kryminalnaj adkaznaści nie pryciahvaŭsia, — prakamientavaŭ staršy pamočnik prakurora Zavodskaha rajona Jahor Vierabjoŭ. — Sud pryznaŭ jaho vinavatym u naŭmysnych dziejańniach, što hruba parušajuć hramadski paradak i na padstavie č. 1 art. 339 KK pryznačyŭ štraf 40 bazavych vieličyń (1 800 rubloŭ).
Zatym z Onliner.by źviazałasia maci 17‑hadovaha chłopca.
— Syn zajmaŭsia tajskim boksam na praciahu čatyroch hadoŭ i krychu baraćboj. Tamu jon zmoh niadrenna pastajać za siabie. Z paškodžańniaŭ byŭ udar ad pieršaha ŭdaru, bo jon byŭ bakavy i syn jaho nie bačyŭ. Astatnija paškodžańni — vynik baraćby. Ukus byŭ naniesieny padčas taho, jak syn prymianiŭ udušalny pryjom. U hety momant napadnik rukami chapaŭ jaho za tvar i vušy, kab vyzvalicca. Praź niekalki chvilin u bojku ŭmiašaŭsia mužčyna, jaki znachodziŭsia pobač. Maładoha čałavieka vycieśnili z vahona, bo jon pavodziŭ siabie nieadekvatna.
Maci padletka dadała, što siamja vyrašyła źviarnucca ŭ milicyju, kab toje, što adbyłosia, nie zastałosia biez nastupstvaŭ.
— Zajavu my napisali, kab złačynstva nie zastałosia biez pakarańnia. Hetaja noč była sapsavana dla ŭsioj našaj siamji. Štraf 1800 rubloŭ pryznačyli tamu, što baki pryjšli da prymireńnia.
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary