Mierkiel nazvali jašče adnym vierahodnym pasiarednikam na pieramovach Rasii i Ukrainy
Pavodle danych Spiegel, za kulisami palityčnych kołaŭ abmiarkoŭvajecca ideja, što na rolu pasiarednika mahła b padyści byłaja kanclerka Hiermanii Anhieła Mierkiel. Jana razmaŭlaje pa-rusku, asabista znajomaja ź Zialenskim i Pucinym, a taksama ŭžo dastatkova doŭha znachodzicca ŭ adstaŭcy.
Paśla taho jak Pucin prapanavaŭ u jakaści pasiarednika byłoha kanclera Šrodera, u Jeŭrasajuzie nie ścichajuć dyskusii nakont mahčymych pieramoŭ — z ulikam niaŭdałaha dośviedu pasiarednictva ZŠA, ES hetym razam choča siadzieć za stałom pieramoŭ. Hałoŭnaja dypłamatka Jeŭropy Kaja Kałas zajaviła, što było b «nie vielmi razumna» dazvalać Kramlu dyktavać kandydaturu pieramoŭščyka, piša Bild.
Kiraŭnik Miunchienskaj kanfierencyi pa biaśpiecy Volfhanh Išynhier vykazaŭsia bolš strymana: chto b u vyniku ni staŭ pasiarednikam, jon pavinien atrymać «šyrokaje adabreńnie na jeŭrapiejskim uzroŭni, asabliva z boku Uschodniaj Jeŭropy i krain Bałtyi».
Budučy kiraŭnicaj urada, Mierkiel, niahledziačy na rezkuju krytyku z boku Polščy i krain Bałtyi, prasoŭvała prajekt hazapravoda «Paŭnočny patok 2». Akramia taho, jana adyhryvała klučavuju rolu ŭ Minskich pahadnieńniach 2014 i 2015 hadoŭ, jakija ŭ vyniku nie zmahli praduchilić rasijskaje ŭvarvańnie ŭ 2022 hodzie.
Ofis Mierkiel paviedamiŭ Spiegel, što «nijakich zapytaŭ da byłoj fiederalnaj kanclerki» adnosna roli pasiarednika pakul nie pastupała. Adnak na pytańnie, ci mahła b jana ŭjavić siabie ŭ takoj roli, abviaržeńnia nie prahučała.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary
Priedłahaju sdiełať Mierkiel kuratorom po trieuholniku SŠA- Rośsija-Ukra.
Šriedier zajmietsia śviazkoj JEU-Ross-Ukr.
Orban tožie variant ,vmiesto niemieckoj staruški,kak druhan Papy Doni ,možiet chorošo pomoċ.
Pora priekraŝať etu vakchanaliju,ekonomika ždiet !
Vsie dostojnyje ludi, s točki zrienija putina.
A łučšie vsieho, čtoby tramp vmiestie s nimi vsiemi poučastvovał, tohda žielezno, pieriehovory projdut uśpiešno.
I da, čuť nie zabył, pieriehovory tolko v Minskie i v vidie Minsk-3.