Pry kancy tydnia - da +34°S

U najbližejšyja sutki, 8 červienia, umovy nadvorja ŭ Biełarusi buduć farmiravać atmaśfierny front z Zachodniaj Jeŭropy, paviedamiła načalnik adździeła mietearałahičnych prahnozaŭ Respublikanskaha hidramieteacentra Ludmiła Paraščuk.

Zaŭtra čakajecca pieramiennaja vobłačnaść. Nočču na bolšaj častcy terytoryi, a dniom pa Viciebskaj vobłaści, miescami pa Mahiloŭskaj i Homielskaj abłaściach projduć karotkaterminovyja daždžy, u asobnych rajonach prahrymiać navalnicy.

Viecier zachodni, ad 5 da 10 mietraŭ za siekundu. Pry navalnicach paryvy vietru ŭzmocniacca da 14 mietraŭ za siekundu. Tempieratura pavietra nočču składzie 12‑18 hradusaŭ vyšej za nul, dniom jana pavysicca da plus 19‑25 hradusaŭ, pa paŭdniovym uschodzie pavietra prahrejecca da 28 hradusaŭ.

Z 9 červienia zachodnija vietry źmieniacca paŭdniovymi i paŭdniova‑zachodnimi. I na Uschodniuju Jeŭropu, u tym liku i na Biełaruś, pačnie pastupać haračaje mižziemnamorskaje pavietra. U noč na sieradu budzie jašče chaładnavata. Minimalnaja tempieratura pavietra nočču składzie 6‑13 hradusaŭ vyšej za nul, dniom —

plus 20‑26 hradusaŭ, pa paŭdniovym zachadzie pavietra prahrejecca da 30 hradusaŭ.

U čaćvier, 10 červienia, vielmi ciopłaje i suchoje pavietra raspaŭsiudzicca na ŭsiu terytoryju Biełarusi. U načnyja hadziny čakajecca 12‑18 hradusaŭ ciapła, dniom pavietra prahrejecca da 24‑29 hradusaŭ, pa paŭdniovym zachadzie dniom čakajecca 30‑32 hradusy vyšej za nul.

U piatnicu i subotu nadvorje budzie znachodzicca va ŭładzie trapičnaha pavietra. Budzie nie tolki horača dniom, ale i vielmi ciopła nočču. Słupok termomietra ŭ načnyja hadziny nie apuścicca nižej za 17‑23 hradusy ciapła.

A ŭ dzionnyja hadziny ŭ mnohich rajonach tempieratura pavietra składzie plus 30‑32 hradusy, pa paŭdniovym zachadzie — 33‑34 hradusy vyšej za nul. Taki tempieraturny režym na 8‑13 hradusaŭ pierasiahnie klimatyčnuju normu dla siaredziny červienia.

U mnohich rajonach zachavajecca suchoje nadvorje, tolki pa paŭnočnym zachadzie Biełarusi projduć karotkaterminovyja daždžy, miescami prahrymiać navalnicy.

A voś u niadzielu, 13 červienia, charaktar nadvorja pačnie źmianiacca.

Pad upłyvam atmaśfiernaha frontu z Zachodniaj Jeŭropy na bolšaj častcy terytoryi projduć navalničnyja daždžy. Tempieratura pavietra ŭ načnyja hadziny składzie 12‑18 hradusaŭ ciapła, dniom jana pavysicca da plus 20‑26 hradusaŭ. Pa Homielskaj i Mahiloskaj abłaściach budzie na niekalki hradusaŭ ciaplej.

• 0
• 0
• 0
• 0
• 0
• 0
• 0
• 0