Biełaruś zakančvaje hod z 14,3 miljarda dalaraŭ zołatavalutnych reziervaŭ
U 2025 hodzie zołatavalutnyja reziervy Biełarusi istotna pavialičylisia i dasiahnuli ŭzroŭniu 14,3 miljarda dalaraŭ ZŠA. Pra heta paviedamiŭ staršynia praŭleńnia Nacyjanalnaha banka Raman Hałoŭčanka padčas efiru na telekanale «Biełaruś 1».
Sa słoŭ Ramana Hałoŭčanki, faktyčny rost reziervaŭ byŭ vyšejšym za prahnoznyja pakazčyki.
Apošniaja zafiksavanaja suma, jakuju ahučyŭ kiraŭnik Nacbanka, skłała 14,3 miljarda dalaraŭ. Prytym na 1 studzienia 2025 hoda ich było tolki 8,9 miljarda.
Hałoŭčanka padkreśliŭ, što zołatavalutnyja reziervy vykonvajuć rolu svojeasablivaj finansavaj «paduški biaśpieki» dla krainy. Jany mohuć vykarystoŭvacca, u tym liku, dla apłaty impartu ŭ składanych ekanamičnych umovach. Jon taksama adznačyŭ, što Biełaruś upieršyniu pierasiahnuła mižnarodna pryznany paroh, kali abjom reziervaŭ dazvalaje pakryvać impart krainy na praciahu troch miesiacaŭ.
Na rost reziervaŭ značna paŭpłyvaŭ suśvietny rost cen zołata. Adnak, jak śćviardžaje Hałoŭčanka, istotnuju rolu adyhrała i pavieličeńnie valutnych pastupleńniaŭ unutry krainy.
Raman Hałoŭčanka spadziajecca, što stanoŭčaja dynamika rostu zołatavalutnych reziervaŭ zachavajecca i ŭ nastupnym hodzie.
Kamientary
Koročie, hotov́tie šampanskoje za upokoj pacijenta i zdravije Jarika.
K utru tieło ochładiejet, zatiem na dvie niedieli v chołodilnik na -20.
Poka narod budiet buchať-hulať pitierskije vsio razrulat. Žditie piervyje borta v Minsk-2 zavtra k obiedu. I nie udivlajtieś vojennym hruzovikam na priednovohodnich dorohach.