Biełarusam prapanujuć aformić kantrakt na «SVA» — abiacajuć «lohkuju słužbu»
Resurs «dobrovolec-cientr.rf» šukaje dobraachvotnikaŭ dla ŭdziełu ŭ tak zvanym «SVA», u tym liku siarod biełarusaŭ. Na sajcie paznačana bolš za 100 haradoŭ Biełarusi, siarod ich — Hrodna, Lida i Navahrudak, zaŭvažyŭ Hrodna Life.
Atrymajuć učastak i status «vieterana»
Pierad afarmleńniem zajaŭki na sajcie pieraličvajuć «pieravahi» padpisańnia kantrakta. Udzielnikam abiacajuć ziamielny ŭčastak pamieram 10 sotak koštam 1 miljon rasijskich rubloŭ (37 tysiač biełaruskich), 1,5 miljona rasijskich rubloŭ (55,5 tysiač biełaruskich) pry zaklučeńni kantrakta, a taksama status «vieterana bajavych dziejańniaŭ i ŭsie lhoty». U jakoj z krain buduć vydavać učastki, na sajcie nie tłumačać.
Taksama ŭdzielnikam abiacajuć kredytnyja i padatkovyja kanikuły, biudžetnyja miescy dla navučańnia dziaciej u VNU i kampiensacyju 50% pry apłacie žyroŭki.
Zarobak bajca «ŭ zonie SVA» — ad 210 tysiač rasijskich rubloŭ (7,7 tysiačy biełaruskich), adnak pieryjadyčnaść vypłat na sajcie nie paznačanaja.
U FAQ sajta adznačajuć, što kantrakt mohuć padpisvać i nie hramadzianie Rasii — u takim vypadku im aformiać hramadzianstva na praciahu dvuch tydniaŭ.
Udzielnikam abiacajuć apłacić darohu da miesca słužby, dać žyllo i charčavańnie, a taksama vydać «dadatkovuju amunicyju» pry pastupleńni na słužbu.
Voźmuć z sudzimaściu i biez dakumientaŭ
Pry adsutnaści dakumientaŭ ich adnoviać, kali jość «prablemy z zakonam — vyrašać». Hatovyja razhladać zajaŭki ad kandydataŭ, uzrost jakich nie pieravyšaje 64 hady.
Dla składańnia zajaŭki patrabujuć tolki proźvišča, imia i numar mabilnaha telefona.
Patencyjnym udzielnikam «SVA» prapanujuć «zrabić vybar na karyść stabilnaści».
Dla biełarusaŭ zrabili manuał traplańnia ŭ zonu vajennych dziejańniaŭ
Na sajcie raźmieščanaja instrukcyja dla biełarusaŭ, jak trapić na «SVA». Dla hetaha treba zapoŭnić formu i abrać vakansiju. Zatym — prajści sumoŭje, na jakim abmiarkoŭvajuć detali: «terminy, zadačy i asablivaści słužby». Finalny etap — padpisańnie kantrakta dobraachvotnika, jaki aficyjna zamacoŭvaje ŭdzieł biełarusa ŭ «SVA».
Najomnika što byŭ va ŭkrainskim pałonie, viarnuli ŭ Rasiju, a zatym asudzili ŭ Biełarusi nie mienš čym na 10 hadoŭ
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
Bolš za pałovu biełarusaŭ z novaha śpisu, jakija vajujuć za Rasiju, majuć sudzimaści
Ukraina ŭ miežach abmienu z Rasijaj pieradała jašče adnaho pałonnaha biełarusa. Raniej pra jaho pałon nie paviedamlałasia
Alimientščyk i rabočy z administratyŭkaj za pjanstva. Stała viadoma jašče pra dvuch biełarusaŭ, jakija vajujuć za «ruski śviet»
55‑hadovy hvałtaŭnik z-pad Hrodna šmat što paśpieŭ za lipień 2024‑ha — i padpisać kantrakt z armijaj Rasii, i zahinuć
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary
A jany što, nie biełarusy?