Biełaruskija piłoty «najbližejšym časam» pakinuć Tunis paśla trochdzionnaha zatrymańnia
Ekipaž viertalota Mi-26, jaki składajecca z dvuch hramadzian Biełarusi i siami hramadzian Rasii, najbližejšym časam vylecić z vyspy Džerba, abiacajuć rasijskija dypłamaty. Lotčyki zachraśli ŭ tranzitnaj zonie aeraporta na vostravie Džerba z 19 śniežnia.
Padčas płanavaj techničnaj pasadki vyśvietliłasia, što ŭ ekipaža niama dazvołu na pieralot u nastupny punkt.
«Prablema vynikała z adsutnaści ŭ pavietranaha sudna dazvołu na pieralot u nastupny punkt maršrutu, jaki tak i nie byŭ atrymany na hety momant», — paviedamlaje pres-słužba pasolstva RF.
Pavodle infarmacyi RIA «Novosti», dypłamatami dasiahnuta damoŭlenaść ab evakuacyi ekipaža kamiercyjnymi rejsami: «Jany adpraŭlajucca z Džerby ŭ stalicu Tunisa, a adtul užo vyleciać u Turcyju najbližejšymi rejsami».
Ekipaž hielikaptera Mi-26, jaki lacieŭ va Uhandu, try dni ŭtrymlivali ŭ aeraporcie Džerba. U biełarusaŭ dy ich rasijskich kaleh zabrali pašparty. Usie jany pracavali pavodle kantraktu z AAN u «Kirhizskaj avijakampanii».
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary