Беларускія пілоты «найбліжэйшым часам» пакінуць Туніс пасля трохдзённага затрымання
Экіпаж верталёта Мі-26, які складаецца з двух грамадзян Беларусі і сямі грамадзян Расіі, найбліжэйшым часам вылеціць з выспы Джэрба, абяцаюць расійскія дыпламаты. Лётчыкі захраслі ў транзітнай зоне аэрапорта на востраве Джэрба з 19 снежня.
Падчас планавай тэхнічнай пасадкі высветлілася, што ў экіпажа няма дазволу на пералёт у наступны пункт.
«Праблема вынікала з адсутнасці ў паветранага судна дазволу на пералёт у наступны пункт маршруту, які так і не быў атрыманы на гэты момант», — паведамляе прэс-служба пасольства РФ.
Паводле інфармацыі РІА «Новости», дыпламатамі дасягнута дамоўленасць аб эвакуацыі экіпажа камерцыйнымі рэйсамі: «Яны адпраўляюцца з Джэрбы ў сталіцу Туніса, а адтуль ужо вылецяць у Турцыю найбліжэйшымі рэйсамі».
Экіпаж гелікаптэра Мі-26, які ляцеў ва Уганду, тры дні ўтрымлівалі ў аэрапорце Джэрба. У беларусаў ды іх расійскіх калег забралі пашпарты. Усе яны працавалі паводле кантракту з ААН у «Кіргізскай авіякампаніі».
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары