Невядомыя разбілі партрэты загінулых каля будынка амбасады Беларусі ў Вільні
У нядзелю ў паліцыю паступіла паведамленне пра акт вандалізму каля будынка беларускага пасольства ў сталіцы Літвы.
Паводле звестак паліцыі, 21 снежня ў Вільні на вуліцы Міндоўга каля агароджы пасольства Беларусі невядомы разбіў шкло на партрэтах чатырох загінулых, перакуліў фотаздымкі і разбіў свечкі, піша Delfi.lt.
Мяркуецца, што інцыдэнт адбыўся ў перыяд з 14:00 да 18:50. Паліцыя праводзіць расследаванне факта парушэння грамадскага парадку.
Ля агароджы беларускай амбасады ў Вільні выстаўленыя партрэты загінулых ад рук беларускага рэжыму пачынаючы з 1990-х, загінулых падчас пратэстаў у 2020 годзе, памерлых у калоніях палітвязняў, а таксама загінулых ва Украіне добраахвотнікаў.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк22
Каментары
Людзі, рыхтуйцеся абараняцца самі! Ніякай паліцыі ў Літве ці Польшчы няма - ня стаўце свае жыццё і здароўе ў залежнасць ад баязліўцаў-пустазвонаў. Хай яны з балонікамі Лукашэнкі змагаюцца!
[Зрэдагавана]