Vosiem tysiač udzielnikaŭ vajny asudzili ŭ Rasii pa kryminalnych artykułach
«Novaja hazieta Jeŭropa» vyjaviła 8 tysiač prysudaŭ u dačynieńni da byłych i dziejnych udzielnikaŭ vajny va Ukrainie pavodle «hramadzianskich» artykułaŭ (za vyklučeńniem samavołki, deziercirstva i h. d.).
Kala 7 tysiač prysudaŭ byli vyniesieny sudami ahulnaj jurysdykcyi, to-bok u dačynieńni da vieteranaŭ, jakija ŭžo viarnulisia dadomu. Jašče tysiaču takich prysudaŭ pa kryminalnych spravach ab «hramadzianskich» złačynstvach my vyjavili ŭ vajennych sudach — u ich sudziać dziejnych vajskoŭcaŭ.
Kali vieryć aficyjnym danym, z frontu dadomu viarnulisia 137 tysiač vajskoŭcaŭ, paviedamlali ŭ administracyi prezidenta ŭ kancy červienia. Takim čynam, atrymlivajecca, što prykładna 6% ad tych, chto viarnuŭsia, užo asudžanyja ŭ miežach kryminalnych spraŭ.
Bolš za 900 vieteranaŭ tak zvanaj «SVA» byli asudžanyja za hvałtoŭnyja złačynstvy — zabojstvy i bojki. 379 paciarpiełych zahinuli. Taksama vieteranaŭ pryciahvajuć pa artykułach, źviazanych z kradziažami, vykradańniami aŭto i inšaj majomasnaj škodaj (3 tys. čałaviek), parušeńniami PDR (1,8 tys.), abarotam narkotykaŭ (1,5 tys.) i machlarstvami (amal 400 čałaviek).
Kamientary