U Rasii ŭpieršyniu aštrafavali za pošuk «ekstremisckich materyjałaŭ»
U Rasii pryznačany štraf pa pieršaj viadomaj spravie pra pošuk ekstremisckich materyjałaŭ. Sud u Kamiensk-Uralskim aštrafavaŭ 20‑hadovaha žychara horada Siarhieja Hłuchich.
Miedbrata z Kamiensk-Uralskaha Siarhieja Hłuchich aštrafavali na 3 tysiačy rasijskich rubloŭ (heta kala 110 biełaruskich).
Jak vynikaje z pratakoła, 24 vieraśnia Hłuchich jechaŭ u aŭtobusie i zahuhliŭ «Azoŭ». U toj ža dzień jaho zatrymali supracoŭniki FSB — jany atrymali pryznavalnyja pakazańni Hłuchich i dostup da jaho telefona. Taksama, jak vynikaje z materyjałaŭ spravy, u telefonie była historyja pošuku UNA-UNSO, «Azova» i RDK.
Vydańnie «Miedyjazona» adznačaje, što palicejskaja, jakaja składała pratakoł, raskazała, što pra parušeńnie im paviedamiŭ «nieviadomy». Pry hetym u spravie jość viedamasnaja pierapiska, ź jakoj vynikaje, što ŭ MUS źviarnułasia mienavita FSB.
Na sudzie supracoŭnik FSB Anton Zamarajeŭ zajaviŭ, što Hłuchich «daŭno byŭ u poli zroku» siłavikoŭ, u dačynieńni da jaho viali apieratyŭnuju raspracoŭku. Advakat maładoha čałavieka Siarhiej Barsukoŭ adznačyŭ, što siłaviki nie zmahli dakazać fakt taho, što Hłuchich śpiecyjalna šukaŭ simvoliku zabaronienych arhanizacyj — tak, jon moh zahuhlić horad Azoŭ u Rastoŭskaj vobłaści i vypadkova natknucca na łahatyp ukrainskaha pałka.
Kamientary