Susiedki pa kvatery pasvarylisia padčas hatavańnia ježy, zaraz adnoj pahražaje da vaśmi hadoŭ
U Minsku nakiravali ŭ sud kryminalnuju spravu ŭ adnosinach 32‑hadovaj minčanki, jakuju abvinavačvajuć u naŭmysnym pryčynieńni ciažkich cialesnych paškodžańniaŭ: jana niekalki razoŭ udaryła nažom svaju susiedku, pišuć Minsk-naviny.
Incydent adbyŭsia ŭ kvatery dziaŭčyny na Kižavatava, dzie jana žyła razam z 19‑hadovaj siabroŭkaj. Padčas pryhatavańnia ježy pamiž imi ŭźnik kanflikt: susiedka pačała kidać z kuchonnaha stała pradmiety, potym zapuściła ŭ šafu talerku. Paśla čaho padyšła da siabroŭki i pačała bić jaje pa śpinie rukami.
U adkaz minčanka rezka abiarnułasia i ŭdaryła dziaŭčynu nažom u žyvot i hrudzi. Napałochaŭšysia, jana pačała akazvać pieršuju dapamohu — ale chutkuju nie vyklikała. Siabroŭki tak daciahnuli da ranicy, pakul nie stała zrazumieła, što paciarpiełaj stanovicca horš. Chutkuju ŭsio ž vyklikali, dziaŭčynu dastavili ŭ balnicu, dzie ekstranna apieravali. Ekśpiertyza paćvierdziła najaŭnaść ciažkich cialesnych paškodžańniaŭ.
Jak patłumačyli ŭ prakuratury, abvinavačanaja staić na ŭliku ŭ narkołaha z-za ałkaholnaj zaležnaści i raniej mieła sudzimaść, jakaja ŭžo pahašana. Jaj pradjaŭlena abvinavačańnie pa č. 1 art. 147 KK — umysnaje pryčynieńnie ciažkaha cialesnaha paškodžańnia, pakarańnie pa jakim moža dasiahać vaśmi hadoŭ pazbaŭleńnia voli.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier3
Kamientary