«Bajsoł» vypłaciŭ usie hrošy sa zboru na palitviaźniaŭ, vyzvalenych 11 vieraśnia
Kamanda «Bajsoł» zaviaršyła ekstranny cykł padtrymki. Dapamohu atrymaŭ 31 palitviazień.
Adzin z zajaŭnikaŭ admoviŭsia ad vypłaty i paprasiŭ, kab hetyja srodki pieradali inšym, paviedamiŭ fond i dadaŭ, što da kanca hoda čakajuć zajaŭki ad vyzvalenych palitviaźniaŭ ź inšym hramadzianstvam, što byli vyzvalenyja 11 vieraśnia i pryjechali razam z hetaj hrupaj biełarusaŭ.
Kali takich zvarotaŭ nie budzie, astatniaja suma budzie raźmierkavanaja pamiž tymi, chto ŭžo atrymaŭ dapamohu.
Nahadajem, što 11 vieraśnia byŭ vyzvaleny i departavany ŭ Litvu 51 palitviazień, a Mikoła Statkievič admoviŭsia pakidać krainu.
U toj ža viečar, 11 vieraśnia, «Bajsoł» abviaściŭ ekstranny zbor na padtrymku palitviaźniaŭ, pieršapačatkova praduhledžvałasia sabrać 50 tysiač jeŭra z raźliku tysiača na čałavieka. Hetaja suma była sabranaja za try hadziny i zbor praciahnuŭsia, u vyniku było sabrana kala 115 tysiač jeŭra.
Učora «Bajsoł» abviaściŭ pra kaladny zbor dla dziaciej palitviaźniaŭ.
Sioleta čakajecca bolš za 200 zajavak, i meta kampanii — sabrać 20 000 jeŭra, što dazvolić vypłacić pa 100 jeŭra na kožnaje dzicia.
Za sutki sabrana pakul usiaho 325 jeŭra.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary