Top-mieniedžar na Homielščynie, jaki ŭvachodziŭ u skład antykarupcyjnaj kamisii pradpryjemstva, asudžany za karupcyju
Načalnika adździeła pradpryjemstva «Mazyrsol» asudzili za chabary, jakija jon atrymlivaŭ na praciahu piaci hadoŭ, až da krasavika 2025 hoda, kali jaho i zatrymali. «Fłahštok» vyśvietliŭ, što heta načalnik adździeła źniešnieekanamičnaj dziejnaści i zbytu Uładzisłaŭ Truchanovič.
Kurjoz u tym, što na praciahu mnohich hadoŭ Uładzisłaŭ Truchanovič uvachodziŭ u skład kamisii ŭ procidziejańni karupcyi ŭ AAT «Mazyrsol», a ciapier sam abvinavačany ŭ karupcyi.
Pavodle infarmacyi suda, «abvinavačany T., źjaŭlajučysia načalnikam adździeła AAT «Mazyrsol», u pieryjad z krasavika 2021 hoda da krasavika 2025 hoda pryniaŭ dla siabie ad abvinavačanaj F., hienieralnaha dyrektara TAA «BVK» [«Biełaruskaja vytvorčaja kampanija»], u jakaści chabaru hrašovyja srodki na ahulnuju sumu nie mienš za 1 090 000 rasijskich rubloŭ i 3500 dołaraŭ ZŠA, za zabieśpiačeńnie padpisańnia z TAA «BVK» dahavoraŭ na pastaŭku pradukcyi AAT «Mazyrsol» i naležnaje vykanańnie dahavornych abaviazańniaŭ».
Adznačajecca, što hiendyrektar TAA «BVK» pryznała vinu całkam, a načalnik adździeła «Mazyrsoli», «nie asprečvajučy sam fakt atrymańnia hrošaj, asprečvaŭ ich pamier i pryčynu, ź jakoj prymaŭ hetyja hrašovyja srodki».
Abodva asudžanyja da vialikich terminaŭ.
Top-mieniedžar mazyrskaha pradpryjemstva — da pazbaŭleńnia voli na termin 7 hadoŭ z adbyvańniem u papraŭčaj kałonii va ŭmovach uzmocnienaha režymu i bujnoha štrafu, a hiendyrektar TAA «BVK» — da 5 hadoŭ. Abodvum pa amnistyi skinuli pa adnym hodzie.
Čamu za pastaŭku pradukcyi AAT «Mazyrsol» načalnik adździeła braŭ chabary ad TAA «Biełaruskaja vytvorčaja kampanija» i za što mienavita, nieviadoma.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary
Voś nas, studentaŭ, kožnuju siesiju sprabujuu aznajomiċ z arytykułami ab chabarach. Ale nichto tak i nie patłumačyŭ nikoli ŭ čym roźnica kali raśpisaŭsia ŭ liście što aznajomiŭsia i kali nie raśpisaŭsia.
Dyk kožny raz kamisii ŭ rajvykankamach i na pradpryjemstvach składalisia vyklučna z samych prapitych čynušaŭ.
I restaracyja ich lubimaja zvyčajna była ŭ 5 chvilinach chady ad Lenina i vykankama.