Što viadoma pra rasijski śled u hučnaj karupcyjnaj spravie ŭkrainskaha «Enierhaatama»
Z paniadziełka va Ukrainie razharajecca adzin z najbujniejšych z pačatku rasijskaha ŭvarvańnia karupcyjnych skandałaŭ — sprava «Enierhaatama». Adzin z klučavych jaho fihurantaŭ — Ihar Miraniuk, były pamočnik deputata Viarchoŭnaj Rady Andreja Dzierkača, jaki ŭ 2022 hodzie źbieh u Rasiju i staŭ sienataram.
Zhodna z prasłuchoŭkami ŭkrainskich siłavikoŭ, udzielniki schiemy niekalki razoŭ uzhadvali ŭ svaich razmovach Maskvu, paviedamlaje «Ahienctva».
U paniadziełak Nacyjanalnaje antykarupcyjnaje biuro (NABU) i Śpiecyjalizavanaja antykarupcyjnaja prakuratura (SAP) Ukrainy paviedamili pra maštabnyja vobšuki ŭ vysokapastaŭlenych čynoŭnikaŭ i biznesmienaŭ pa spravie ab kradziažach srodkaŭ u dziaržaŭnym «Enierhaatamie» (apieratar usich AES va Ukrainie). Pa viersii śledstva, udzielniki schiemy patrabavali adkaty ŭ 10—15% ad kontrahientaŭ «Enierhaatama», u vypadku admovy pradprymalnikam pahražali błakiroŭkaj płaciažoŭ za pradstaŭlenyja pasłuhi abo pazbaŭleńniem statusu pastaŭščyka. Za ŭvieś čas fihuranty spravy zmahli admyć jak minimum 100 młn dołaraŭ praz bek-ofis u Kijevie, paviedamlała pres-słužba NABU.
U aŭtorak NABU adrapartavała pra zatrymańnie piaci ź siami čałaviek, jakim paviedamili pra padazreńnie. Jašče dvoje — suŭładalnik «Kvartała-95» Cimur Mindzič i finansist Alaksandr Cukierman, jakoha ličać adkaznym za admyvańnie hrošaj. Abodva paśpieli źjechać z Ukrainy niezadoŭha da vobšukaŭ.
Siarod fihurantaŭ spravy apynuŭsia Ihar Miraniuk, jaki zajmaŭ pasadu savietnika eks-ministra enierhietyki Ukrainy Hiermana Hałušenki da leta 2025 hoda. Na zapisach prasłuchoŭki razmoŭ fihurantaŭ, jakija apublikavała NABU, jon paznačany pad psieŭdanimam «Rokiet». Krynicy ŭkrainskaha vydańnia NV nazyvajuć Miraniuka kaardynataram karupcyjnaj schiemy. U sieradu sud aryštavaŭ jaho na 60 sutak.
Da pačatku rasijskaha ŭvarvańnia va Ukrainu Miraniuk šmat hadoŭ pracavaŭ pamočnikam byłoha deputata Viarchoŭnaj Rady Andreja Dzierkača. Nieviadoma, jak doŭha jon pracavaŭ na hetaj pasadzie, adnak jašče ŭ 1989 hodzie jany abodva skončyli Charkaŭskaje vyšejšaje vajennaje kamandna-inžyniernaje vučylišča rakietnych vojskaŭ.
Paśla rasijskaha ŭvarvańnia Dziarkač źjechaŭ u Rasiju i staŭ daradcam hubiernatara Astrachanskaj vobłaści. U vieraśni 2024 hoda jaho pryznačyli ŭ Saviet Fiederacyi sienataram ad rehijona. Va Ukrainie suprać jaho zaviedziena kryminalnaja sprava ab dziaržaŭnaj zdradzie. SBU ličyć, što jon uvachodziŭ u rasijskuju ahienturnuju sietku.
Dla lehalizacyi adkataŭ udzielniki schiemy adkryli bek-ofis. Ofis znachodziŭsia ŭ centry Kijeva ŭ pamiaškańniach, jakija naležać siamji Dzierkača. Padčas vobšukaŭ tam śledčyja znajšli suvieniry z łahatypam FSO, fatahrafii sa śledčych dziejańniaŭ apublikavała NABU.
Na apublikavanych NABU zapisach razmoŭ fihuranty schiemy niekalki razoŭ uzhadvajuć «Maskvu». Na adnym z zapisaŭ mužčyna pa mianušcy «Rešyk» (adkazvaŭ za buchhałteryju ŭ bek-ofisie, piša 24tv) kaža: «Dvuška pajšła. Budzie ŭ Maskvie praz dva tydni». U jašče adnoj razmovie «Rešyk» i «Šuhar» (vierahodna, Alaksandr Cukierman abo jaho brat Michaił) abmiarkoŭvajuć, jak niekamu «Aleksu» zanieśli 10 tysiač jeŭra ŭ Maskvie.
Ciapier čytajuć
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary
100 hod tamu padobnaje było
Śled rf" ??Samaje prostaje adsutnaść ludzkaści prystojnaści śpisać na " proiski vorahaŭ" .Sumleńnie??.?.?? Tam ch..riaščyk raście..
Pamierły praciŭnik budaŭnictva AES u Biełarusi Jury Varoniežcaŭ nie mieŭ iluzij nakont zaležnaści pa palivu ad ROSATAMA. Mieŭ 2 aŭtarskija paśviedčańni datyčna detektaraŭ hama-vypramieńvańnia i pracavaŭ apošnija hady u Homielskim Instytucie mietałpalimiernych sistem. Tam zajmalisia padšypnikami, siarod inšaha, jakija mieli, mabyć, mienšy kaeficyjent treńnia kačeńnia, u paraŭnańni sa zvyčajnymi. U jakoje "izdielije" patrebien mietałpalimierny padšypnik?
Raślinie patrebna hleba, navat kali hetaja raślina - karupcyja.