Dobraachvotniki dla pošuku Maksima Ziańkoviča prybyvajuć z usioj Biełarusi, jaho šukajuć piatyja sutki
U Biarezinskim rajonie piatyja sutki šukajuć 14‑hadovaha Maksima Ziańkoviča, jaki źnik u minułuju subotu.
«Pa-raniejšamu abśledujucca vada, les, zakinutyja zbudavańni i adnaŭlajucca mahčymyja śviedki. To bok ałharytm pracy nie źmianiŭsia, ale, na žal, na dadzieny momant vyniku pošuki nie prynieśli», — raskazaŭ Onliner.by kiraŭnik pošukava-vyratavalnaha atrada «Anioł» Siarhiej Koŭhan.
Na miesca praciahvajuć prybyvać dobraachvotniki, jakija jeduć z usioj krainy. Farmirujucca pošukavyja hrupy, ich u štabie zapisvajuć u žurnał rehistracyi i vydajuć nieabchodnaje abstalavańnie, kali jano patrebna, i staviać zadaču. Mahčyma, budzie źmieniena miescaraźmiaščeńnie štaba, kab było zručna pracavać vialikaj kolkaści ludziej.
Siarhiej Koŭhan dadaŭ, što kali pošuki nie buduć prynosić vyniku, na vychodnych čakajecca vialikaja kolkaść ludziej dla taho, kab pasprabavać znajści dzicia.
Milicyja adpracoŭvaje roznyja viersii: dzicia vykradziena, trapiła ŭ darožna-transpartnaje zdareńnie, zabłukała i nie moža paviedamić pra siabie
Maksim źnik u subotu, 8 listapada ŭ vioscy Karbaŭskaje, kudy pryjechaŭ z baćkami na vialikija vychodnyja. Mama i dziadula ŭ subotu pajechali na poštu, a kali viarnulisia, to pabačyli, što chłopčyk prapaŭ z rovaram, pajechaŭšy ź vioski. Situacyja ŭskładniajecca tym, što dzicia maje aŭtyzm, składana idzie na kantakt i možna nie reahavać na kryki ratavalnikaŭ i vałancioraŭ.
Pa stanie na ranicu sierady 14‑hadovaha Maksima Ziańkoviča nie znajšli. Jakija asnoŭnyja viersii źniknieńnia
«Nam nie patrebny emocyi — patrebna dapamoha». Mama źnikłaha čatyry dni tamu Maksima raspaviała pra pošuki syna i padtrymku ludziej
«Jak skroź ziamlu pravaliŭsia». Trecija sutki iduć pošuki źnikłaha padletka ŭ Biarezinskim rajonie
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary
Škada chłopca