Były trenier minskaha «Dynama» pratrymaŭsia ŭ Małdovie tolki dva miesiacy. Kažuć, jaho nieŭpadabali afrykancy
Vadzim Skrypčanka biassłaŭna pakinuŭ «Šeryf».
Biełarus Vadzim Skrypčanka pakinuŭ pasadu hałoŭnaha treniera ciraspalskaha «Šeryfa». Razam ź im z kamandy pajšli pamočniki Viačasłaŭ Hieraščanka i Rusłan Zubik.
Skrypčanka prapracavaŭ u «Šeryfie» tolki dva miesiacy. Pad jaho kiraŭnictvam miascovy top-kłub atrymaŭ čatyry pieramohi i paciarpieŭ try parazy ŭ čempijanacie Małdovy. I straciŭ lidarstva ŭ tablicy.
Aficyjna z trenieram raźvitalisia pavodle pahadnieńnia bakoŭ, choć kantrakt byŭ raźličany na dva hady. Samomu Skrypčanku skazali, što ŭsio praz drennyja vyniki. Ale realnyja pryčyny zvalnieńnia mohuć być inšymi, piša «Trybuna».
Afrykanskija lehijaniery «Šeryfa» byli niezadavolenyja tym, što Skrypčanka rabiŭ upor na fizpadrychtoŭku i prymušaŭ ciažka pracavać na treniroŭkach. Akramia taho, u treniera byŭ moŭny barjer: Skrypčanka havoryć pa-anhlijsku, ale nie viedaje francuzskaj. Tamu lehijaniery skardzilisia na treniera navierch.
Nie padabaŭsia siłavy futboł biełarusa i ŭładalniku kłuba, prydniastroŭskamu aliharchu Viktaru Hušanu. Choć jon nie moh nie viedać, jaki futboł prapavieduje Skrypčanka. Pavodle źviestak vydańnia, Hušan znajšoŭ biełarusu zamienu ŭ asobie śpiecyjalista ź Ispanii Ramona Kaldere. I tamu vyrašyŭ treniera zvolnić.
Rannija zvalnieńni dla Skrypčanki — heta sprava, chutčej, zvykłaja. Da minskaha «Dynama», jakim jon kiravaŭ dva z pałovaj hady, jon redka dzie zatrymlivaŭsia bolš čym na hod. Ale dva miesiacy — heta asabisty rekord.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary