U Lachavickim rajonie adkryłasia pieršaja ŭ krainie fierma pa vyroščvańni krevietak. Jaje zasnavaŭ pradprymalnik Uładzimir Hatoŭčyc, jaki pieratvaryŭ budynak byłoj škoły ŭ vioscy Alchoŭcy ŭ ekafiermu. Ciapier siudy pryjazdžajuć turysty, kab na ŭłasnyja vočy ŭbačyć, jak u Biełarusi vyroščvajuć morapradukty, piša vydańnie «Pieršy».
Jak usio pačynałasia
Biznesmien zapuściŭ fiermu ŭ Lachavickim rajonie ŭ pačatku hetaha hoda. Da hetaha try hady jon zajmaŭsia rekanstrukcyjaj staroj škoły: abstalavaŭ pamiaškańni, praburyŭ dźvie śvidraviny i stvaryŭ umovy dla raźviadzieńnia krevietak. U prajekt jon ukłaŭ bolš za miljon rubloŭ.
Pieršymi žycharami ekafiermy stali krevietki Rozienbierha, jakich pradprymalnik pryvioz z Astrachanskaj vobłaści. A ŭžo ŭ žniŭni hetaha hoda jon atrymaŭ pieršaje patomstva ź ikry, atrymanaje ŭ biełaruskich umovach. Praŭda, pakul praces razmnažeńnia idzie niaprosta.
«Asnoŭnaja prablema — u stvareńni i padtrymańni nieabchodnaj ekasistemy. Na rost i zdaroŭje krevietak upłyvaje mnostva pakazčykaŭ: umovy filtracyi, nasyčeńnie kisłarodam, abiezzaražvańnie, tempieratura. Pry hetym bałans treba vytrymlivać pa miery rostu», — raskazaŭ Uładzimir Hatoŭčyc.
Čamu vyrašyli puskać turystaŭ
Ekskursii na fiermie pačali pravodzić u kastryčniku. Pavodle słoŭ Hatoŭčyca, spačatku jon nie płanavaŭ adkryvać vytvorčaść dla naviedvalnikaŭ.
«Heta była čystaja vytvorčaść, ale cikavaść ludziej i praciahłaja adaptacyja vidu da miascovych umoŭ źmianili płany. Z časam stała vidavočna, što takuju spravu nielha chavać. Mnie padajecca, budzie karysna i cikava pahladzieć usim. Heta dakazvaje, što pry žadańni niama ničoha niemahčymaha», — kaža fiermier.
Ciapier ekskursijnyja hrupy pryjazdžajuć pa ŭzhadnieńni, a dla niearhanizavanych turystaŭ adviedzienyja sierada, piatnica i subota. Dla naviedvalnikaŭ stvaryli śpiecyjalnuju demanstracyjnuju liniju, dzie možna ŭbačyć praces hadavańnia krevietak. Tut ža adkrytaja nievialikaja kaviarnia, dzie častujuć biaspłatnymi blincami z harbataj. Astatnija stravy — za hrošy. U budučyni płanujecca arhanizavać dehustacyi biełaruskich krevietak.
Što dalej
Pavodle słoŭ Uładzimira Hatoŭčyca, na ekafiermie jašče nie zavieršany praces razmnažeńnia, i pracy napieradzie šmat.
«Užo jość ikra, šmat malkoŭ, ale pakul uznaŭleńnie nie takoje masavaje, kab ładzić dehustacyi biez škody dla papulacyi», — patłumačyŭ jon.
Fiermier raźličvaje, što praź niekalki miesiacaŭ fierma vyjdzie na poŭnuju mahutnaść. Tady štomiesiac tut zmohuć atrymlivać da 300 kiłahramaŭ žyvych krevietak.
U płanach — raźvićcio turystyčnaha napramku. Na fiermie chočuć stvaryć fotazonu, vypuścić suvienirnuju pradukcyju, uparadkavać kaviarniu i pašyryć jaje asartymient. Taksama Uładzimir Hatoŭčyc źbirajecca pravodzić biaspłatnyja ekskursii dla dziaciej-sirot i ludziej ź invalidnaściu.
«Chočacca, kab fierma prynosiła nie tolki dachod, ale i radaść ludziam», — dadaŭ jon.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary