U paniadziełak košt zołata na Čykahskaj tavarnaj biržy źniziŭsia na 3,4%. Upieršyniu z 10 kastryčnika vartaść mietału apuściłasia nižej za $4000 za uncyju, pieradaje Reuters.
Vartaść zołata źnižajecca na fonie prykmiet asłableńnia napružanaści ŭ handli pamiž ZŠA i Kitajem. ŚMI paviedamlajuć, što baki dasiahnuli damoŭlenaściaŭ pa niekatorych sprečnych pytańniach.
Jašče adnoj pryčynaj źnižeńnia koštu zołata analityki nazyvajuć vysoki ŭzrovień pierakuplenaści.
Z pačatku hoda cana zołata imkliva rasła. Z pačatku hoda rost skłaŭ 65 pracentaŭ: 7 kastryčnika zołata stała kaštavać 4000 dalaraŭ, 13 kastryčnika, fjučarsy na zołatapieraadoleli adznaku ŭ $4100 za uncyju, potym uziali płanku ŭ $4200, 4300 i dajšło navat da 4398 dalaraŭ za trojskuju uncyju.
Tańnieć zołata pačało jašče na minułym tydni.
Ceny na zołata adnavili rost paśla taho, jak prezident ZŠA Donald Tramp anansavaŭ uviadzieńnie 100‑pracentnych pošlin na ekspart z Kitaja. Inviestary bajacca, što handlovaja vajna pamiž ZŠA i Kitajem adnavicca, ciapier u adnosinach Kitaja i ZŠA nievialikaje paciapleńnie.
Tradycyjna zołata razhladajecca inviestarami jak srodak zachavańnia kapitału ŭ pieryjady niestabilnaści.
Kamientary