Biełarus, jakoha źbiralisia departavać paśla kancertu Karža, paprasiŭ u Polščy mižnarodnuju abaronu
Dva ŭkraincy i biełarus, u dačynieńni da jakich polskija ŭłady pryniali pastanovu ab departacyi paśla kancertu Karža, padali dakumienty na atrymańnie mižnarodnaj abarony ŭ Polščy, piša Rzeczpospolita. Publikacyju zaŭvažyŭ Reform.
«Kiraŭnik Upraŭleńnia pa spravach zamiežnikaŭ pravodzić praceduru pradastaŭleńnia mižnarodnaj abarony trom zamiežnikam. U suviazi z hetym pracedura viartańnia prypynienaja», — paviedamiŭ Rzeczpospolita padpałkoŭnik Andžej Južviak, pres-sakratar hałoŭnaha ŭpraŭleńnia pamiežnaj achovy.
Pres-sakratar Upraŭleńnia pa spravach zamiežnikaŭ Jakub Dudziak udakładniŭ, što, pavodle pracedury, usie zajaŭniki padrabiazna apisvajuć pryčyny svajho chadajnictva ab abaronie, a ŭpraŭleńnie ŭstanaŭlivaje, ci moža zajaŭnik biaśpiečna viarnucca ŭ svaju krainu ci nie.
Z 63 čałaviek, u dačynieńni da jakich było praniata rašeńnie ab vyjeździe z Polščy, 33 nie mieli prava na pražyvańnie ŭ Polščy — jany pryjechali tolki na kancert Karža. Adpaviedna, praceduru departacyi da ich prymianić było nielha.
Pavodle infarmacyi pamiežnaj słužby, jany ŭžo pakinuli Polšču. 32 ukraincy i adzin biełarus uniesieny ŭ śpisy asob, niepažadanych u Polščy i krainach Šenhiena.
Z pakinutych 11 hramadzian Ukrainy i dva hramadzianina Biełarusi źjechali z Polščy dobraachvotna, 12 ukraincaŭ i dvoje biełarusaŭ byli prymusova departavanyja.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary