Sa śniežnia ŭ Biełarusi zapracuje «finansavy markietpłejs» z akcyjami i ablihacyjami dziaržaŭnych pradpryjemstvaŭ
Karystalniki zmohuć adkryvać rachunki dla apieracyj na finansavym rynku, a taksama pieravodzić srodki na handlovy rachunak na markietpłejsie dla pakupki akcyj i ablihacyj, piša «Ekanamičnaja hazieta».
Staršynia praŭleńnia Biełaruskaj valutna-fondavaj biržy Andrej Aŭchimienia, vystupajučy na XXI Mižnarodnym forumie pa bankaŭskich infarmacyjnych technałohijach «Bankit — 2025», raspavioŭ pra zapusk novaha prajekta — nacyjanalnaha finansavaha markietpłejsa.
Pa jaho słovach, dziakujučy markietpłejsu pradpryjemstvy zmohuć praściej pryciahvać inviestycyi dla raźvićcia svajho biznesu, a hramadzianie — inviestavać svaje srodki i atrymlivać dadatkovy dachod.
Nazvu novaj płatformy stvaralniki pakul nie raskryvajuć. Płanujecca, što jana pačnie pracavać z 15 śniežnia. Užo na starcie na joj buduć raźmiaščać akcyi i ablihacyi biełaruskich pradpryjemstvaŭ. U budučyni na markietpłejsie buduć pradstaŭleny i pradukty finansavych arhanizacyj.
Pytańnie cen na pasłuhi markietpłejsa jašče kančatkova nie vyrašana, dadaŭ jon.
«Kamisii buduć, ale ci buduć jany stavicca na našych hramadzian, my pakul nie vyznačylisia», — skazaŭ Aŭchimienia.
Ciapier čytajuć
Chto ź biełarusaŭ trapiŭ na pryjom da prezidenta Polščy ŠMAT FOTA42
Kamientary