U Ispanii ŭpieršyniu była zafiksavana źjaŭleńnie nieviadomaha drona, što pryviało da časovaha spynieńnia pracy miascovaha aeraporta na vostravie Majorka.
Rejsy na prybyćcio samalotaŭ byli spynieny pryblizna na 35 chvilin. Paśla praviadzieńnia pravierak biaśpieki paloty adnavili, i aeraport pačaŭ pracavać u zvyčajnym režymie, piša RBK-Ukraina.
Incydent pryvioŭ da zatrymak i pieranakiravańnia niekalkich samalotaŭ — usiaho vosiem rejsaŭ nie zmahli pryziamlicca ŭ Palmie z-za vyjaŭleńnia bieśpiłotnika. Palicyja Ispanii pačała rasśledavańnie. Supracoŭniki pravaachoŭnych orhanaŭ zadziejničali ŭłasny dron, kab znajści nieviadomy aparat, adnak pošuki nie dali vynikaŭ. Śledčyja sprabujuć vyznačyć, adkul mienavita ŭ pavietranuju prastoru trapiŭ bieśpiłotnik i chto im kiravaŭ.
Paloty bieśpiłotnikaŭ u abmiežavanaj pavietranaj prastory ŭsio čaściej stvarajuć prablemy dla pracy aeraportaŭ u roznych krainach śvietu.
Tolki za apošnija miesiacy z-za takich incydentaŭ časova spyniali pracu aeraporty ŭ Danii, Narviehii, Hiermanii, Rumynii i inšych krainach. Uviečary 18 kastryčnika aeraport niamieckaha horada Miunchien znoŭ byŭ časova zakryty paśla paviedamleńniaŭ pra nieviadomyja drony.
Kamientary