Trampu ŭdałosia spynić jašče adnu vajnu. Praŭda, jon užo adnojčy byŭ jaje spyniaŭ
Premjer-ministry Tajłanda i Kambodžy damovilisia spynić bajavyja dziejańni 12 śniežnia i viarnucca da vykanańnia mirnaha pahadnieńnia, napisaŭ u Truth Social prezident ZŠA Donald Tramp paśla telefonnych pieramoŭ z abodvuma.
«Siońnia ranicaj u mianie adbyłasia vielmi dobraja razmova z premjer-ministram Tajłanda Anucinam Čarnvirakułam i premjer-ministram Kambodžy Chunam Manietam z nahody vielmi sumnaha adnaŭleńnia ich daŭniaha kanfliktu.
Jany pahadzilisia spynić usie bajavyja dziejańni ź siońniašniaha viečara i viarnucca da pieršapačatkovaha mirnaha pahadnieńnia, zaklučanaha sa mnoj i ź imi pry sadziejničańni vialikaha premjer-ministra Małajzii Anvara Ibrahima», — napisaŭ Tramp.
Jon padkreśliŭ, što krainy hatovyja da praciahu handlu sa Złučanymi Štatami.
«Abiedźvie krainy hatovyja da miru i praciahu handlu z ZŠA. Dla mianie honar pracavać z Anucinym i Chunam nad urehulavańniem situacyi, jakaja mahła pieraraści ŭ bujnuju vajnu pamiž dźviuma ŭ astatnim vydatnymi i kvitniejučymi krainami!», — zajaviŭ prezident ZŠA.
Raniejšaje abvastreńnie hetaha staroha kanfliktu było mienš čym za paŭhoda tamu, u lipieni 2025 hoda. Tady Tramp taksama z usimi pahavaryŭ z usimi pa telefonie i damoviŭsia pra spynieńnie ahniu. Zaviaršeńnie toj vajny ŭvachodzić u śpis vaśmi vajskovych kanfliktaŭ, jakija Trampu nibyta ŭdałosia kančatkova spynić mienš čym za hod druhoha terminu svajho prezidenctva.
Kamientary