Fond Bypol ciapier znachodzicca ŭ likvidacyi. Heta vynikaje z Nacyjanalnaha sudovaha rejestra Polščy. Ci značyć heta, što arhanizacyja spyniaje pracu? Pra heta «Lusterka» spytała ŭ jaje kiraŭnika Alaksandra Azarava.
«Hałoŭnaj metaj rehistracyi fondu ŭ mai 2021 hoda było stvareńnie jurydyčnaj asnovy dla atrymańnia finansavańnia na realizacyju dziejnaści Bypol. Pakolki z 2024 hoda fond nie atrymlivaje finansavańnia, było pryniata rašeńnie ab jaho likvidacyi, — prakamientavaŭ Alaksandr Azaraŭ. —
Heta vyklučna administracyjny krok, jaki nie paŭpłyvaŭ na dziejnaść arhanizacyi Bypol. Arhanizacyja była stvoranaja za paŭhoda da rehistracyi jurydyčnaj asoby, tamu ničoha nie pamianiałasia. My praciahvajem svaju pracu, i ŭ najbližejšy čas vyjdzie naša novaje rasśledavańnie. Sačycie za našymi publikacyjami».
Jakim čynam Bypol budzie pracavać bieź jurydyčnaj asoby, Azaraŭ nie patłumačyŭ.
Abjadnańnie Bypol było stvorana 20 kastryčnika 2020 hoda, jaho kiraŭnikom staŭ Alaksandr Azaraŭ. Ale letam 2023 hoda ŭ arhanizacyi adbyŭsia raskoł. Bolšaść jaje ŭdzielnikaŭ u lipieni 2023 hoda stvaryli novaje abjadnańnie — Belpol.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
Jakoje ž hańbišča raspładzili hetyja dziejačy pa zamiežžach. Tak sapsavać imidž biełarusa navat jajcatras nie zdoleŭ!