Načalnica miedčastki kałonii ŭ Babrujsku, na jakuju skardzilisia palitviaźni, pajšła na pavyšeńnie
U vieraśni miedyja paviedamili, što z kałonii №2 u Babrujsku zvolnili načalnicu miedycynskaj častki Darju Łaskaŭnievu. Niekatoryja palitviaźni abvinavačvali jaje ŭ chałatnym staŭleńni da asudžanych pacyjentaŭ.
Adnak Łaskaŭnieva pajšła na pavyšeńnie i ciapier uznačalvaje miedčastku ŭ SIZA ŭ Kaladzičach, piša DW Biełaruś. Pra heta paviedamiŭ były palitviazień Mikoła Dziadok, jaki da vyzvaleńnia znachodziŭsia ŭ Kaladzičach.
«Asabista ja nie mahu na Łaskaŭnievu paskardzicca, za čas źniavoleńnia ja bačyŭ supracoŭnikaŭ značna horšych, — raspavioŭ jon DW. — Miedycynu ŭ SIZA možna apisać tak: simptamatyčnuju dapamohu akažuć, ale surjozna vyrašać tvaje prablemy nie buduć, starajucca jak maha chutčej prosta ad ciabie pazbavicca».
Pa słovach Dziadka, miedpiersanału ŭ SIZA nie chapaje, supracoŭniki «zašyvajucca» i nie paśpiavajuć usim dapamahčy.
Eks-palitviazień Alaksiej Hałoŭkin, jaki maje invalidnaść II hrupy, u intervju «Lusterku» nazyvaŭ Łaskaŭnievu «sadystkaj» i raspavioŭ, što jana adpraŭlała chvorych źniavolenych na pracu.
Eks-palitviazień błohier Vadzim Jermašuk ličyŭ, što pa vinie Łaskaŭnievaj u jaho nie była svoječasova dyjahnastavanaja ankałohija, na jaho skarhi na zdaroŭje načalnik miedčastki adkazvała: «Vy nie ŭ sanatoryi, viedali, kudy išli».
Pavodle źviestak «Biełpoł», Łaskaŭnieva — uradženka Murmanskaj vobłaści Rasii, z 2009 hoda maje hramadzianstva Biełarusi. U PK-2 pracavała z 2010 hoda, ad terapieŭta dasłužyłasia da načalnicy miedčastki, tam ža doktaram pracavaŭ jaje muž.
Ciapier čytajuć
Źnikłuju ŭ Mjanmie Vieru Kraŭcovu znajšli miortvaj3
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3838
Kamientary
Ona žie borietsia s biełarusami i biełaruskim na tierritorii skotnoho dvora łukašienko, poetomu tolko v vierch i na vierch !
Vied́ - svoj, provieriennyj kadr.