Člen Siejma Litvy: Ciapier rychtujecca jašče adna apieracyja pa vyzvaleńni biełaruskich palitviaźniaŭ
«I, viadoma, my pavinny budziem pakłapacicca pra takich ludziej».
Člen Siejma Litvy Remihijus Matuzas u efiry LRT skazaŭ, što jany čakajuć prybyćcia novaj partyi biełaruskich palitviaźniaŭ.
«U ciapierašni čas rychtujecca jašče adna apieracyja pa vyzvaleńni. I my nie viedajem, kolki jašče ludziej zaraz pryjeduć ź Biełarusi ŭ Litvu».
Bolš detalaŭ jon nie raskazaŭ. «Pakul heta kanfidencyjalna, i my dakładna nie viedajem, ale takaja [apieracyja] była i budzie praciahvacca».
«I, viadoma, my pavinny budziem zabiaśpiečyć i pakłapacicca pra takich ludziej«, — dadaŭ Remihijus Matuzas.
Dniami Alaksandr Łukašenka zajaviŭ, što hatovy zaklučyć vialikuju ździełku z ZŠA.
Raniej paśla sustreč Łukašenki z amierykanskimi dypłamatami byli vyzvalenyja i departavanyja dźvie partyi biełaruskich palitviaźniaŭ i źniavolenych hramadzian inšych krain. Pieršych 14 čałaviek, siarod ich byŭ błohier Siarhiej Cichanoŭski, vyvieźli 21 červienia. Druhich (52 čałavieki) vyzvalili i departavali 11 vieraśnia. Adnak palityk Mikoła Statkievič admoviŭsia vyjazdžać i viarnuŭsia ŭ Biełaruś.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary