U haradskim parku Ašmian kamunalniki pastavili novyja architekturnyja elemienty. Siarod ich — łaŭki z naturalnaha kamieniu, piša «Ašmianski vieśnik».
«Asablivuju kaštoŭnaść novym elemientam parkavaha dobraŭparadkavańnia nadaje toje, što dla ich stvareńnia vykarystoŭvalisia vałuny, znojdzienyja ŭ Ašmianskim rajonie. Nazva horada Ašmiany, pavodle adnoj ź viersij, źviazana sa słovam «kamień». Takim čynam, źjaŭleńnie kamiennych elemientaŭ u haradskim parku — heta nie prosta estetyka, a viartańnie da vytokaŭ. Kamień tut – i ŭpryhožvańnie, i znak pamiaci, ustojlivaści i hłybinnaj suviazi ź ziamloj», — piša vydańnie.
Akramia taho, kala ŭvachodu ŭ park ustalavanaja skulpturnaja kampazicyja — ptuška na kamieni.
Kamientary