Sud u Ńju-Jorku prysudziŭ repiera Šona Kombsa (Pi Dzidzi) da 50 miesiacaŭ turmy (heta čatyry hady i dva miesiacy) za pieravozku ludziej z metaj uciahvańnia ŭ prastytucyju. Mahčyma, u hety termin mohuć być zaličany bolš za 12 miesiacaŭ, jakija Kombs užo pravioŭ u śledčym izalatary, piša Bi-bi-si.
Uličvajučy hod, jaki Kombs pravioŭ u źniavoleńni z momantu aryštu ŭ vieraśni 2024 hoda, i mahčymaść źmiakčeńnia pakarańnia za dobryja pavodziny, prysud aznačaje, što Kombs zastaniecca ŭ źniavoleńni da 2028 hoda.
Sudździa taksama nakłaŭ štraf 500 000 dalaraŭ — maksimalna mahčymy ŭ hetym vypadku.
Raniej sud prysiažnych pryznaŭ Kombsa vinavatym pa dvuch epizodach pieravozki ludziej z metaj ich uciahnieńnia ŭ prastytucyju (maksimalnaje pakarańnie pa kožnym epizodzie — 10 hadoŭ pazbaŭleńnia voli).
Pry hetym prysiažnyja apraŭdali repiera pa abvinavačvańni ŭ rekiecie i dvuch epizodach hvałtoŭnaha pieramiaščeńnia z metaj seksualnaj ekspłuatacyi.
Abvinavačańnie prasiła pryhavaryć Kombsa da 11 hadoŭ turmy.
Dzidzi škaduje: «Ja litaralna zvarjacieŭ»
Kombs na praciahu ŭsiaho sudovaha pracesu nastojvaŭ na svajoj nievinavataści.
Ale padčas suda, pierad abviaščeńniem prysudu, jon paprasiŭ u suda ab pabłažlivaści i prynios prabačeńni svajoj siabroŭcy Kesi Vientury, jakaja vyłučyła suprać jaho abvinavačvańni, i svajoj siamji.
«Maje dziejańni byli ahidnymi, haniebnymi i miarzotnymi, — skazaŭ jon sudździu. — Ja zhubiŭsia ŭ praźmiernaściach, zhubiŭsia ŭ svaim eha».
U čaćvier, 2 kastryčnika, repier taksama pieradaŭ sudździu list na čatyroch staronkach, u jakim jon paprasiŭ prabačeńnia «za ŭsie tyja pakuty i bol, jakija ja pryčyniŭ», i zajaviŭ, što 13 miesiacaŭ u turmie ŭ Bruklinie źmianili jaho.
U pryvatnaści, Kombs paprasiŭ prabačeńnia za napad na svaju byłuju spadarožnicu Kesi Vienturu. «Ja litaralna zvarjacieŭ», — napisaŭ jon.
«Moj chatni hvałt zaŭsiody budzie ciažkim ciažaram, jaki ja budu viečna nieści», — dadaŭ Kombs.
«Ja źbiŭsia sa šlachu. Krynica majho padzieńnia — u maim ehaiźmie. Ja byŭ źniavažany i złamany da hłybini dušy», — zajaviŭ u liście repier.
U čym mienavita abvinavačvali Pi Dzidzi
Šon Kombs byŭ pryznany nievinavatym pa samych ciažkich abvinavačvańniach: u rekiecie i hvałtoŭnym pieramiaščeńni z metaj sejeksualnaj ekspłuatacyi svajoj eks-siabroŭki, śpiavački Kesi, i jašče adnoj dziaŭčyny, jakaja dała pakazańni ananimna.
Adnak prysiažnyja pryznali jaho vinavatym u ich pieravozcy z metaj prymusić da prastytucyi.
U asnovie abvinavačvańniaŭ byli pakazańni śviedkaŭ, jakija raspaviadali, u pryvatnaści, jak ich pryvozili na «varjackija viečarynki» Dzidzi i schilali da seksualizavanych kantaktaŭ pad uździejańniem vialikich doz ałkaholu i narkotykaŭ.
Padčas suda Kesi, nie strymlivajučy śloz, kazała pra toje, što Kombs prymušaŭ jaje zajmacca seksam ź inšymi ludźmi, pry hetym sam jon byŭ naziralnikam, zdymaŭ praces na videa i pahražaŭ šantažavać jaje hetymi zapisami. Jana taksama raspaviała, što Dzidzi źbivaŭ i hvałtavaŭ jaje.
Abarona paryravała, što padabaronny prosta «vioŭ ład žyćcia śvinhieraŭ». Epizody chatniaha hvałtu advakaty nie admaŭlali, ale śćviardžali, što ahresija ŭ hetaj pary była ŭzajemnaj.
Druhaja klučavaja śviedka, na sudzie jana vystupała ananimna pad psieŭdanimam Džejn, raspaviała prykładna toje ž samaje, što i Kesi — jana była ŭ adnosinach z repieram u 2020‑ch hadach i była vymušana zajmacca seksam z mužčynami z eskortu na vačach svajho bojfrenda i ŭdzielničać u tych samych viečarynkach.
Upieršyniu abvinavačvańni ŭ hvałcie z boku Kombsa prahučali jašče ŭ 2017 hodzie, a ŭ 2023 hodzie Kesi Vientura padała svoj pieršy pazoŭ. Sprava ab hvałcie tady była ŭrehulavana da suda.
U sakaviku 2024 hoda fiederalnyja ahienty praviali pieratrusy ŭ dvuch damach, jakija naležać Kombsu, u ramkach rasśledavańnia spravy ab handli ludźmi dla seksu.
Pastupova ŭsio bolš i bolš ludziej abvinavacili Kombsa ŭ hvałcie, u tym liku seksualizavanym. Mnohija padali hramadzianskija pazovy, pry hetym samyja rannija epizody adnosiacca da 1990‑ch hadoŭ.
U vieraśni 2024 hoda Kombs byŭ aryštavany. Sud admoviŭsia vypuścić jaho pad zakład, bajučysia cisku na paciarpiełych i na patencyjnych śviedkaŭ.
Sud nad repieram pačaŭsia ŭ mai 2025 hoda.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary