Biełarusy apynulisia ŭ polskim izalatary paśla viartańnia z tura ŭ Hrecyju
Troje biełaruskich turystaŭ hetaj nočču apynulisia ŭ izalatary na polskaj miažy. Supravadžalnik turhrupy, praź jakoha ŭsio adbyłosia, uciok, pakinuŭšy ludziej za kratami.
Čytačka Alina paviedamiła Onliner: hrupa turystaŭ, jakaja viartałasia siońnia ŭnačy z arhanizavanaha hrečaskaha tura, apynułasia ŭ polskim izalatary na miažy. Pavodle jaje słoŭ, usia sprava ŭ praterminavanaj na dzień vizie. Čamu turysty viarnulisia paźniej, čym płanavali?
— My nabyli tur ź Minska ŭ Hrecyju z 22 vieraśnia pa 3 kastryčnika ŭ kampanii «Biełturyzm Jeŭropa».
Praz zakryćcio polskaj miažy byli vymušany jechać praz łatvijskuju, na jakoj my prastajali kala 40 hadzin. Z-za hetaha ŭ nas skaraciŭsia čas znachodžańnia na mory. Adnak naš supravadžalnik prapanavaŭ praciahnuć jaho na adzin dzień, choć byŭ daśviedčany: u troch čałaviek viza była adkryta roŭna pad daty tura (z 22.09 pa 03.10).
Sam supravadžalnik i mieniedžary turfirmy pierakanali nas u tym, što maksimalnaje pakarańnie za praterminoŭku vizy na adzin dzień — heta štraf biez pamietak u pašparcie ab parušeńni vizavaha režymu.
Adnak na dadzieny momant my zatrymanyja i znachodzimsia ŭ izalatary z polskaha boku miažy.
Polskija pamiežniki paviedamili pra heta tolki našamu supravadžalniku, jaki z nami nie parazmaŭlaŭ i źjechaŭ z astatnimi turystami, kinuŭšy nas u izalatary. Turfirma i supravadžalnik nie dali tranśfier ad polskaj miažy da miesca prybyćcia (jakoje prapisana ŭ damovie), hrašovych srodkaŭ, jakija pakryvajuć tranśfier i štraf za parušeńnie vizavaha režymu, a taksama nie vychodziać na suviaź.
Alina raskazvaje: u izalatary jana ź inšymi turystami (jašče dvuma) znachodzicca ŭžo kala siami hadzin, i heta paśla doŭhaha šlachu na aŭtobusie.
— U nas uziali adbitki palcaŭ, pryhrazili zabaronaj na ŭjezd u šenhienskuju zonu na paŭhoda. Bolš dakładnych prahnozaŭ pakul nijakich. Vierahodna, polski bok rychtuje dakumienty na departacyju.
Žurnalisty sprabavali źviazacca z pradstaŭnikami kampanii «Biełturyzm Jeŭropa» pa telefonach, ukazanych na sajcie, adnak pa ich nie padniali słuchaŭku (vierahodna, u mieniedžaraŭ siońnia vychadny). Taksama jany adpravili paviedamleńni ŭ miesiendžary i na poštu z prośbaj prajaśnić situacyju. Pakul kamientara niama.
Dapoŭniena. Biełarusaŭ adpuścili. Pra heta Alina paviedamiła kala 15:00:
— Polskija pamiežniki znajšli aŭtobus, u jaki my padsieli (za naš košt, 50 rubloŭ), dali zabaronu na ŭjezd na šeść miesiacaŭ. Abyšłosia biez štrafu. Užo nakiroŭvajemsia ŭ Minsk.
Kamientary
ČAKAĆ NA ADVAKATA ALBO DYPLAMATA Ź BIAŁAJ PADLASKAJ