Eks-premjer Brytanii Toni Błer prapanavaŭ siabie na pasadu kiraŭnika pierachodnaha ŭrada Hazy
Były premjer-ministr Vialikabrytanii ser Toni Błer udzielničaje ŭ pieramovach ab tym, kab uznačalić pierachodny orhan u Hazie ŭ vypadku spynieńnia ahniu, piša Bi-bi-si.
Błer viadzie pieramovy na vysokim uzroŭni z usimi bakami pa spynieńni vajny i budučyni paleścinskaj terytoryi paśla kanfliktu.
U centry apošniaj prapanovy, jakaja abmiarkoŭvałasia prezidentam ZŠA Donaldam Trampam i arabskimi lidarami na hetym tydni ŭ AAN — jość ideja, kab Hazaj kiravaŭ pierachodny orhan z padtrymkaj AAN i finansavaj dapamohaj krain Piersidskaha zaliva, pierš čym viarnuć kiravańnie paleścinskamu boku.
Adnoj z prapanoŭ, jakaja, pavodle paviedamleńniaŭ, atrymała padtrymku ŭ Vašynhtonie, źjaŭlajecca pryznačeńnie sera Toni kiraŭnikom hetaha pierachodnaha orhana, choć jaho ofis zajaviŭ tolki, što jon nie padtrymaje ničoha, što pryviadzie da vysialeńnia žycharoŭ Hazy.
Błer prysutničaŭ na sustrečy ŭ Biełym domie z Trampam u žniŭni, dzie abmiarkoŭvalisia płany pa paślavajennym uładkavańni Hazy. Pasłańnik ZŠA pa Blizkim Uschodzie Styŭ Uitkaf apisaŭ płan jak «vielmi ŭsioabdymny», choć padrabiaznaści sustrečy nie byli raskrytyja.
Były premjer-ministr pracavaŭ śpiecyjalnym pasłańnikam na Blizkim Uschodzie ad čaćviorki mižnarodnych sił (ZŠA, ES, Rasija i AAN) na praciahu niekalkich hadoŭ paśla sychodu z pasady ŭ 2007 hodzie. Jon zasiarodžvaŭsia na ekanamičnym raźvićci Paleściny i stvareńni ŭmoŭ dla rašeńnia ab dźviuch dziaržavach.
Jak premjer, jon pryniaŭ rašeńnie ab udziele brytanskich vojskaŭ u Irakskaj vajnie 2003 hoda, što było padvierhnuta mocnaj krytycy padčas aficyjnaha rasśledavańnia, jakoje vyjaviła, što rašeńnie było pryniata na padstavie niedakładnaj raźviedki i biez upeŭnienaści ŭ najaŭnaści zbroi masavaha źniščeńnia.
Paviedamleńni pra jaho mahčymy ŭdzieł u pierachodnym kiravańni Hazaj źjavilisia paśla taho, jak kiraŭnik Paleściny Machmud Abas zajaviŭ u čaćvier, što jon hatovy pracavać z Trampam i inšymi suśvietnymi lidarami dla realizacyi mirnaha płana ź dźviuma dziaržavami.
Abas padkreśliŭ svajo niepryniaćcie budučaj kiroŭnaj roli CHAMAS u Hazie i zapatrabavaŭ razzbrajeńnia arhanizacyi.
Raniej na hetym tydni Vialikabrytanija aficyjna pryznała dziaržavu Paleścina, jak i Kanada z Aŭstralijaj. Za imi paśledavali inšyja krainy, u tym liku Francyja i Danija, u toj čas jak Izrail i ZŠA raskrytykavali hety krok jak uznaharodu CHAMAS.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj30
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary
Raśpiłuje ŭsie miljardy, jakija levyja palityki adbiaruć u padatkapłacielščykaŭ na "dapamohu Hazu"
Pakul urad nie razvaliŭsia zaraz cisnuć na ličbavy ID, kab svaje siabručki jašče papiłavali hrošy i zakabalili nasielnictva da lubovi da isłamu