Ich ahulnaja kolkaść skaraciłasia prykładna na 50 000 čałaviek na praciahu pieršaha paŭhodździa 2025.
Kolkaść biežancaŭ, jakija pražyvajuć u Hiermanii, źniziłasia ŭpieršyniu z 2011 hoda. Heta vynikaje z adkazu fiederalnaha ŭrada, piša Spiegel.
Havorka idzie pra ŭciekačoŭ z roznym statusam znachodžańnia, u tym liku z Ukrainy. Jany mohuć žyć tut usiaho niekalki miesiacaŭ ci ŭžo šmat hadoŭ. Pavodle ŭradavych danych, ich ahulnaja kolkaść skaraciłasia prykładna na 50 000 čałaviek na praciahu pieršaha paŭhodździa: z 3,545 miljona ŭ kancy 2024 hoda da 3,495 miljona ŭ ciapierašni čas.
Pavodle analizu Levaj partyi, pryčyny zaklučajucca ŭ tym, što, choć imihranty i ŭciekačy ad vajny praciahvajuć prybyvać u krainu, jany sutykajucca z rostam kolkaści departacyj i vyjezdaŭ. Akramia taho, mnohija ź ich taksama naturalizavalisia i ciapier źjaŭlajucca hramadzianami Hiermanii. Tak, pa danych Fiederalnaha ministerstva ŭnutranych spraŭ, tolki letaś naturalizavalisia 83 150 byłych hramadzian Siryi.
U ciapierašni čas kala 492 tysiač biežancaŭ majuć niavyznačany status, heta značyć jany, naprykład, prośbity prytułku. Kolkaść uciekačoŭ z Ukrainy na kaniec lipienia skłała 1,27 miljona čałaviek.
Śpikier pa pytańniach unutranaj palityki i palityki ŭ dačynieńni da biežancaŭ ad Levaj partyi ŭ Bundestahu Kłara Biunhier prakamientavała ličby, zajaviŭšy, što «heta nie padstava dla śviatkavańnia, tamu što pryčyn dla ŭciokaŭ va ŭsim śviecie tak šmat, jak nie było ŭžo daŭno». Ale ŭsio mienš i mienš ludziej, jakija majuć patrebu ŭ abaronie, mohuć pierasiekčy źniešnija miežy ES.
«Toj fakt, što absalutnaja kolkaść biežancaŭ, jakija pražyvajuć u Hiermanii, skaračajecca, dakazvaje absurdnaść razmoŭ ab nibyta nadzvyčajnym stanoviščy, jakoje pavinna dazvolić admianić zakanadaŭstva ES ab pradastaŭleńni prytułku».
-
Jeŭrakamisija pradstaviła prapanovy pa 20‑m pakiecie sankcyj suprać Rasii. Jaho majuć pryniać da hadaviny vajny
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary