Biełaruś budzie pradstaŭlena čatyrma kłubami ŭ jeŭrakubkavym siezonie-2027/28
Naša kraina nie apuścicca nižej za 50-je miesca ŭ piacihadovaj tablicy kaeficyjentaŭ UEFA pa vynikach ciapierašniaha siezona, paviedamlaje football.by.
Heta stała viadoma paśla taho, jak luksiemburhski «Dyfierdanž» i san-marynski «Virtus» nie zmahli prabicca ŭ ahulny etap Lihi kanfierencyj.
Važna, što jak i «Nioman» u supraćstajańni z «Raja Valjekana», tak i «Dyfierdanž» prajhraŭ abodva matčy płej-of kosaŭskaj «Drycie» i, nie pryniosšy svajoj krainie bałaŭ, pakinuŭ Luksiemburh zzadu Biełarusi.
San-Maryna ž tearetyčna mahło abyjści našu krainu tolki ŭ vypadku trapleńnia «Virtusa» ŭ asnoŭny etap.
Pierad startam raŭnda płej-of kvalifikacyi Biełaruś zajmała 48-ju pazicyju ŭ tablicy kaeficyjentaŭ UEFA. Pa vynikach siezona, našu krainu ciapier mohuć abyści tolki Paŭnočnaja Makiedonija i Hibrałtar, čyje pradstaŭniki («Škiendyja» i «Linkoln») buduć hulać na vosieńskaj stadyi jeŭrakubkaŭ.
Takim čynam, Biełaruś u lubym vypadku zastaniecca siarod 50 lepšych i atrymaje čatyry pucioŭki dla ŭdziełu na jeŭraarenie ŭ siezonie-2027/28. U 2026 hodzie ž ad našaj krainy ŭ jeŭrakubkach startujuć tolki try pradstaŭniki.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary