Zdaroŭje

Reŭnaść paharšaje zdolnaść žančynaŭ usprymać zrokavuju infarmacyju

Navukoŭcy dakazali, što reŭnaść robić nastolki mocny emacyjny ŭpłyŭ na pradstaŭnic pryhožaha połu, što paharšaje ich zdolnaść usprymać zrokavuju infarmacyju z navakolnaha asiarodździa, paviedamlajecca ŭ artykule, apublikavanym u krasavickim vypusku časopisa Emotion.

Aŭtary daśledavańnia, prafiesary psichałohii z Diełaverskaha univiersiteta ŭ ZŠA Styvien Most i Žan Filip Łarensa pasprabavali vyśvietlić, nakolki mocna blizkija stasunki pamiž ludźmi mohuć zakranać ich bazavyja mahčymaści ŭsprymańnia śvietu. U svajoj pracy navukoŭcy praviali ekśpierymient z dobraachvotnym udziełam hieteraseksualnych paraŭ, u jakim žančynam było nieabchodna vybrać vyjavy pryhožych łandšaftaŭ na ekranie kamputarnaha manitora, jakija chutka čarhavalisia z vyjavami, niepryjemnymi dla ŭsprymańnia. Pry hetym ich partnior siadzieŭ pobač za ekranam asobnaha kamputara i, zhodna z umovami ekśpierymientu, aceńvaŭ pryhažości tych ci inšych fatahrafij łandšaftaŭ.

Na peŭnym etapie hetaha ekśpierymientu daśledčyk prasiŭ mužčynu pieraklučycca z adnoj zadačy na inšuju i pierajści z acenki pryhažości łandšaftaŭ na acenku pryvabnaści žančyn, fatahrafii jakich čarhavalisia na jaho manitory.

Pa vynikach hetaha ekśpierymientu žančyny pavinnyja byli vyznačyć svaju stupień razdražnionaści i dyskamfortu ad taho, što ich małady čałaviek zajmaŭsia padčas ekśpierymientu acenkaj čužoj pryvabnaści. U vyniku analizu atrymanych dadzienych navukoŭcy vyjavili, što čym bolšuju reŭnaść adčuvała žančyna padčas ekśpierymientu, tym bolšaje abureńnie ŭ jaje vyklikali niepryjemnyja malunki na manitory i tym horš jana spraŭlałasia z vyjaŭleńniem pryhožych łandšaftaŭ. Navukoŭcy adznačajuć, što takoje parušeńnie zrokavaha ŭsprymańnia nazirałasia tolki ŭ toj momant, kali mužčyna zajmaŭsia acenkaj čužoj pryvabnaści.

Aŭtary daśledavańnia ličać, što ich praca maje vialikaje značeńnie dla vyvučeńnia ŭzajemasuviazi sacyjalnych adnosin i zdolnaści da ŭsprymańnia i pahłyblaje ŭjaŭleńni navukoŭcaŭ pra toje, jak emocyi, źviazanyja z sacyjalnym uzajemadziejańniem, mohuć zakranać razumovy i fizičny stan čałavieka. «Emocyi, jakija ŭźnikli ŭ kantekście sacyjalnych uzajemadziejańniaŭ, jak akazałasia, mohuć upłyvać navat na ŭzroŭni apracoŭki sihnałaŭ orhanaŭ usprymańnia», — pišuć navukoŭcy ŭ svaim artykule.

U dalejšym psichołahi źbirajucca vyjavić, jak takija sacyjalnyja ŭzajemadziejańni mohuć adbicca na pavodzinach i zdolnaści da ŭsprymańnia ŭ mužčynaŭ.

Kamientary

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

U dvoryku BNTU pamior čałaviek, jaki ŭciakaŭ ad milicyi2

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu1

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić