U Homielskaj vobłaści rasśledujecca kryminalnaja sprava ŭ dačynieńni da hrupy narkazakładčykaŭ. Vyjavić adnaho sa złačyncaŭ udałosia pa počyrku.
Nievialiki kavałak papiery z napisanymi ad ruki kaardynatami miescaznachodžańnia «zakładki» znajšli na miescy złačynstva. Jaho pieradali ekśpiertam Homielskaha mižrajonnaha adździeła ŭpraŭleńnia Dziaržaŭnaha kamiteta sudovych ekśpiertyz pa Homielskaj vobłaści. U miežach počyrkaznaŭčaj ekśpiertyzy śpiecyjalisty paraŭnali nadpis na zapiscy z uzorami počyrkaŭ mierkavanych padazravanych pa spravie i znajšli aŭtara.
Jak patłumačyli ekśpierty-počyrkaznaŭcy, počyrk taki ž indyvidualny, jak i adbitki palcaŭ. Praviadzieńnie počyrkaznaŭčaj ekśpiertyzy — składanaja i karpatlivaja praca, a zaklučeńnie ekśpierta adyhryvaje značnuju rolu pry rasśledavańni kryminalnych spraŭ.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Kali ž surjozna, to pierakazvać miantoŭskija bajki pra toje, jak jany advažna zmahajucca z zakładnikami narkotykaŭ - heta psavać imidž NN, jak niezaležnaha vydańnia. Bo zvyčajna ŭvieś hety zakładnicki varušniak miantami ž arhanizujecca i kantralujecca, kab zaŭždy mieć pakaźniki vykryvalnaści. Voś kali b jany pa počyrku arhanizatara kramy ŭziali - była b navina. Ale takoha nie adbyvajecca, bo arhanizatary - sami ž milicyjanty.