Lidar litoŭskich kansiervataraŭ prapanuje abaviazać zamiežnikaŭ vučyć litoŭskuju dla padaŭžeńnia DNŽ
Lidar kansiervataraŭ, eks-ministr abarony Łaŭrynas Kaščunas zajaviŭ, što ŭ kancy lipienia ŭniasie prapanovu, jakaja abaviazvaje zamiežnikaŭ vyvučyć dziaržaŭnuju movu, kali jany žadajuć padoŭžyć svoj časovy dazvoł na žycharstva ŭ Litvie, piša Delfi.lt.
«Dla padaŭžeńnia časovaha dazvołu na žycharstva ŭ Litvie na dadzieny momant nie patrabujecca viedańnie dziaržaŭnaj movy na peŭnym uzroŭni. Ja prapanuju ŭvieści hetaje patrabavańnie, kab viedańnie dziaržaŭnaj movy stała abaviazkovym, kab ludzi, jakija znachodziacca tut, u pryncypie pačali vyvučać dziaržaŭnuju movu i pavažali našu dziaržavu», — zajaviŭ Ł. Kaščunas u piatnicu ŭ efiry Žinių radijas.
U minułym hodzie kansiervatary pryniali zakon, zhodna ź jakim z 1 studzienia 2026 hoda ŭsie dziaržaŭnyja pasłuhi buduć akazvacca na dziaržaŭnaj movie. Adnak ciapier Ministerstva adukacyi, navuki i sportu prapanuje pieranieści hety termin.
Ł. Kaščunas nazyvaje heta nieprymalnym i zapeŭnivaje, što ŭznačalenaja im palityčnaja siła budzie supraćstajać padobnaj sprobie.
«Heta nieprymalna, i my adnaznačna budziem suprać libieralizacyi praviłaŭ», — padkreśliŭ kansiervatar.
U apošni čas ŭźnikli dyskusii nakont vykarystańnia ruskaj movy ŭ Vilni. Padstavaj dla ich staŭ post u Facebook žurnalista Edmundasa Jakiłajcisa, jaki zajaviŭ, što maštab vykarystańnia ruskaj movy ŭ stalicy Litvy nieprymalny.
U sakaviku Dziaržaŭnaja inśpiekcyja pa movie paviedamiła, što z pačatku nastupnaha hoda ŭsie zamiežniki, jakija atrymali časovuju abaronu i zajmajucca niepasrednym prodažam tavaraŭ i akazańniem pasłuh, buduć abaviazanyja vałodać dziaržaŭnaj movaj.
Adnak pytańnie pra admienu hetaha patrabavańnia ŭradam nieadnarazova adkładałasia — Ministerstva adukacyi, navuki i sportu prapanuje na hod adkłaści termin, da jakoha zamiežniki, jakija žadajuć uładkavacca na pracu i majuć časovuju abaronu, pavinny vyvučyć dziaržaŭnuju movu i padać paćviardžajučyja heta dakumienty.
Zhodna z paradkam, takoje abaviazacielstva nie prymianiałasia ciaham troch hadoŭ — rašeńniem urada hety termin budzie padoŭžany da čatyroch hadoŭ.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy15
Kamientary
Tady nie było b prablem z zapaŭnieńniem prastory Litvy movaj rasiejskich akupantaŭ - rasiejskaj movaj.
Hučała b dziaržaŭnaja mova - litoŭskaja, i histaryčnaja mova VKŁ - mova Statuta VKŁ.
A rasiejskaj akupacyjnaj movy nie hučała b.