Kolkaść damiennych imionaŭ u zonach.by i.bieł pierasiahnuła 150 tysiač
Kolkaść damiennych imionaŭ u zonach.by i.bieł pierasiahnuła znakavuju miažu — bolš za 150 tysiač. Pra heta paviedamiła kampanija beCloud, jakaja źjaŭlajecca techničnym administrataram nacyjanalnych damiennych zonaŭ.
Pa stanie na červień 2025 hoda zarehistravana 150 882 damieny druhoha ŭzroŭniu, ź ich:
- 135 704 — u zonie.by,
- 15 178 — u zonie.bieł.
Amal 72% uładalnikaŭ damienaŭ — heta žychary Minska i Minskaj vobłaści. Za imi iduć Bresckaja, Homielskaja, Hrodzienskaja i inšyja vobłaści. Kala 8% damienaŭ naležyć nierezidentam Biełarusi — najpierš z Rasii (3 963 damieny), Hiermanii (1 480) i ZŠA (1 355). U piaciorku taksama ŭvachodziać Kitaj i Francyja.
64% damienaŭ zarehistravany jurydyčnymi asobami, a 36% — fizičnymi. Pavodle ekśpiertaŭ, rost damiennaj prastory praciahniecca, asabliva dziakujučy małomu i siaredniamu biznesu, jaki ŭsio čaściej vychodzić z sacsietak u nacyjanalny internet.
Asobna beCloud adznačyła aŭkcyjony, dzie pradavalisia damieny, jakija vyzvalilisia. Za pieršaje paŭhodździe 2025 hoda adbyłosia 5 takich mierapryjemstvaŭ, padčas jakich było pradadziena 298 łotaŭ: 285 u zonie.by i 13 — u zonie.bieł. Ahułam padčas ich sabrana 68 755 rubloŭ.
Siarod samych darahich damienaŭ:
- u zonie.by — vbet.by (10 660 rubloŭ), nissan.by (5 364 rubli), znaj.by (3 934 rubli). Taksama ŭ dziasiatku trapili tdi.by, belmapo.by, metr.by, ex.by, kotly.by, amper.by, ipm.by;
- u zonie.bieł — prostyjevieŝi.bieł, łandšaft.bieł, briestpołumarafon.bieł, aerosjemka.bieł, noutbuki.bieł, barachołka.bieł i inšyja.
Aŭtaru miema pra «samyja sučasnyja trafiki» znajšli novuju pasadu
«Biełaruś, što ź internetam? Pracuje praz raz!»: karystalniki A1 skardziacca na prablemy, kampanija prablemu pryznaje
«Dziaržava ličyć, što ŭ hetym prajekcie, jak i ŭ joj samoj, jość načalniki». Jak žyvie biełaruskaja Vikipiedyja padčas represij
Ciapier čytajuć
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?22
Kamientary
Pieranos piersanalnych dadzienych na www.profi.ru z www.profi-bel.by, pry niemahčymaści ich vydalić, ličycca zakonnym u Biełarusi?
Kolki damiennych imionaŭ było anulavana u Biełarusi pa vyraku suda z-za śmierci karystalnika?