Sukupnyja zbory filmaŭ, u jakich jana syhrała, pieravysili $14,8 miljarda, piša the Wrap.
Skarlet Jochansan stała samaj kasavaj aktrysaj u historyi. Heta stała mahčymym paśla taho, jak stužka «Śviet Jurskaha pieryjadu: adradžeńnie», jakaja vyjšła 2 lipienia, zarabiła bolš za $318 młn u suśvietnym prakacie na praciahu pieršych šaści dzion paśla relizu ŭ kinateatrach.
U stužcy Skarlet Jochansan hulaje Zoru Bieniet — ekśpiertku pa sakretnych apieracyjach i byłoha vajennaha, jakaja adpraŭlajecca z kamandaj na adzin ź niamnohich pakinutych vyspaŭ, dzie ŭsio jašče žyvuć dynazaŭry.
Čatyry hady tamu Jochansan pakinuła kinasuśviet Marvel (MCU), u jakoj hrała rolu supierhieraini Čornaj udavy — byłoj špijonki Natašy Ramanaf.
Bolš za $ 8,7 młrd z $14,8 młrd, sabranych stužkami z aktrysaj, prynieśli čatyry filmy sieryi «Mściŭcy» i karcina «Pieršy mściŭca: supraćstajańnie» ad Marvel.
Siarod inšych najbolš paśpiachovych u prakacie stužak Jochansan — filmy «Kniha džunhlaŭ» ($951 młn), «Pieršy mściŭca: inšaja vajna» ($714 młn), «Źvierapoj» ($631 młn), «Žalezny Čałaviek» ($621 młn) i «Lusi» ($457 młn).
U Toma Chenksa — 14,6 młrd. U Robierta Daŭni-małodšaha (Toni Stark/Žalezny čałaviek) — 14,2 młrd, ź ich 11,8 miljarda dalaraŭ — na dzieviaci filmach Marvel. Jaho rola ŭ filmie «Apienhiejmier» za najlepšuju mužčynskuju rolu druhoha płana, jakaja atrymała premiju «Oskar» za 976 miljonaŭ dalaraŭ, u hety śpis nie ŭklučana.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary