Pucin zajaviŭ pra pieravahu prydumak rasijskich samatužnikaŭ nad uzbrajeńniem NATA
Prezident Rasii Uładzimir Pucin padčas forumu «Usio dla Pieramohi!» zajaviŭ, što niekatoryja rasijskija vajskovyja raspracoŭki, zroblenyja litaralna «na kalency» — u haražach i za chatnimi noŭtbukami — pieraŭzychodziać pa jakaści i efiektyŭnaści techniku krain NATA.
«Časam prosta na kalency ŭ haražach i za chatnimi noŭtbukami rasijskija kulibiny prydumlajuć takoje, što pieraŭzychodzić pa jakaści i efiektyŭnaści niekatoraje «žaleza» našych praciŭnikaŭ z krain NATA», — zajaviŭ Pucin.
Vydańnie The Moscow Times nahadvaje, što paśla pačatku vajny va Ukrainie na linii frontu sapraŭdy źjaviłasia niamała samatužnych rašeńniaŭ. Adnym z takich prykładaŭ stali tak zvanyja «manhały» — achoŭnyja ekrany, ustalavanyja nad viežami tankaŭ dla abarony ad dronaŭ. Spačatku jany vyrablalisia ŭručnuju, ale ŭ kastryčniku 2023 hoda «Urałvahonzavod» pačaŭ vypuskać tanki T-72B3 ź sieryjnym varyjantam takich naviesaŭ.
Ź leta 2023 hoda, u adkaz na aktyŭnaje prymianieńnie Ukrainaj udarnych FPV-dronaŭ, tanki pačali dadatkova ŭmacoŭvać samarobnaj branioj. U vyniku «manhały» pieratvarylisia ŭ sucelnyja ekrany, a potym i ŭ svojeasablivyja «kožuchi», jakija nahadvajuć pa vyhladzie maleńki chleŭ.
Pucin užo pieramałoŭ amal usiu spadčynu savieckaha VPK. Ci źmienšyć heta intensiŭnaść vajny?
Jak «Intehrał» abychodzić sankcyi i dapamahaje Rasii ŭ vajnie
Ukraina atakavała vajskovy zavod u Čuvašyi, jaki robić kampanienty dla «šachiedaŭ» i rakiet «Iskander»
Tramp abviaściŭ pra stvareńnie novaj supraćrakietnaj abarony ZŠA «Załaty kupał», jakaja pavinna stać najlepšaj u śviecie
Kamientary