Vypusknica z Baranavičaŭ, jakaja nabrała 400 bałaŭ z 400, raskazała, kudy dumaje pastupać i što nie razhladaje zamiežnyja VNU
Vypusknica himnazii №1 horada Baranavičy Darja Jurenia dasiahnuła vybitnaha vyniku: nabrała na ŭstupnaj kampanii 400 bałaŭ z 400 mahčymych. Pra svaje dalejšyja płany jana raskazała teleradyjokampanii «Brest».
U Darji — 100 bałaŭ pa biełaruskaj movie i matematycy, a taksama pieramoha na alimpijadzie pa anhlijskaj movie i kruty atestat.
Darja kaža, što ŭdzielničała ŭ alimpijadach ažno z pačatkovaj škoły.
— Išła dastatkova doŭha, možna skazać, z pačatku škoły. U alimpijadach ja pačała ŭdzielničać z druhoha—treciaha kłasa. Upieršyniu surjoznyja pośpiechi byli na abłasnym uzroŭni, potym — na respublikanskim. Viadoma, heta matyvavała vučycca ŭsio bolš staranna.
Ciapier jana razhladaje roznyja varyjanty pastupleńnia, ale vyklučna ŭ Biełarusi.
— Zaraz vybiraju pamiž śpiecyjalnaściu «Suśvietnaja ekanomika» na fakultecie mižnarodnych adnosin BDU, taksama razhladaju takija śpiecyjalnaści, jak ekanamičnaja infarmatyka ekanamičnaha fakulteta BDU. Taksama siarod varyjantaŭ jość i BDUIR, bo tam taksama jość «Elektronnaja ekanomika». Płanuju pastupać u biełaruskija VNU — zamiežnyja, navat rasijskija, nie razhladaju. Chaciełasia b zastacca ŭ Biełarusi, — kaža baranavickaja vypusknica.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary