Avijakampanii admianili rejsy abo źmianili maršruty z-za zakryćcia pavietranych prastoraŭ na Blizkim Uschodzie
Avijakampanija Emirates — najbujniejšy pieravozčyk na Blizkim Uschodzie — admianiła rejsy ŭ Irak, Ijardaniju, Livan i Iran, a taksama ŭ zvarotnym napramku, piša Bi-bi-si.
Siarod inšych najbujniejšych kampanij rehijona, jakija admianili rejsy, Qatar Airways — nacyjanalny avijapieravozčyk Katara. Zhodna z zajavaj avijakampanii, Qatar Airways «časova admianiła rejsy ŭ Iran i Irak z-za biahučaj situacyi ŭ rehijonie».
Rejsy taksama admianili avijakampanii ź inšych rehijonaŭ, naprykład, francuzskaja Air France, niamieckaja Lufthansa i indyjskaja Air India.
Air India źmianiła maršrut abo admianiła 16 rejsaŭ pamiž Indyjaj i Łondanam, a taksama haradami ŭ Kanadzie i ZŠA «u suviazi z abvastreńniem situacyi ŭ Iranie».
Avijakampanija taksama razharnuła niekalki samalotaŭ, jakija nabližalisia da iranskaj pavietranaj prastory, kali Izrail pačaŭ ataku, piša AFP sa spasyłkaj na partał Flight Aware.
Pra admienu i zatrymki rejsaŭ taksama paviedamili ŭ aeraportach Abu-Dabi i Dubaja ŭ AAE.
Raniej stała viadoma, što Izrail, Iran, Irak, Iardanija i Siryja zakryli svaje pavietranyja prastory paśla taho, jak Izrail nanios udary pa vajennych i jadziernych abjektach u Iranie.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary