U Krasnadarskim krai da 2033 hoda płanujuć pabudavać novuju vytvorčaść kołavych traktaraŭ pad brendam Belarus. Pra heta piša «Kommiersant'» sa spasyłkaj na pres-słužbu administracyi rehijona.
Novaje pradpryjemstva źbirajucca stvaryć u stanicy Staraminskaja. Hubiernatar Krasnadarskaha kraju Vienijamin Kandraćjeŭ adznačyŭ, što vytvorčaść pierš za ŭsio budzie zabiaśpiečvać patreby sadavodčych i vinahradnickich haspadarak.
U sakaviku hetaha hoda na MTZ pradstavili śpiecyjalnuju viersiju traktara Belarus 921, jaki pryznačany dla pracy ŭ sadach i na vinahradnikach.
Prajektam praduhledžana ŭźviadzieńnie novaha vytvorčaha cecha, składskich pamiaškańniaŭ i nabyćcio technałahičnaha abstalavańnia dla zapusku techpracesaŭ. Na novym zavodzie płanujuć stvaryć minimum 318 pracoŭnych miescaŭ. Rehijanalnyja ŭłady dla stymulavańnia rostu i raźvićcia sumiežnych halin źbirajucca vyzvalić inviestara ad vypłaty padatkaŭ na prybytak i na majomaść.
Pavodle słoŭ hubiernatara, u Krasnadarskim krai buduć vypuskać u tym liku madyfikacyi techniki, jakija raniej u Rasii nie vyrablali. Pry hetym traktary Belarus buduć vyrablacca z vysokaj stupieńniu łakalizacyi. Zapusk pradpryjemstva dazvolić pavialičyć abjomy vypusku zapatrabavanaj u ahraryjaŭ kraju i dastupnaj sielskahaspadarčaj techniki, stymulavać rost mašynabudaŭničaha siektara i vytvorčaj kaapieracyi.
Ciapier čytajuć
Što Babaryka i Kaleśnikava adkazali na pytańni pra vajnu100
Kamientary