Vyniesieny prysud za hibiel padletka na transfarmatarnaj padstancyi ŭ Minsku
U Minsku dvoje supracoŭnikaŭ pradpryjemstva, 39 i 53 hadoŭ, atrymali pa 4 hady abmiežavańnia voli biez nakiravańnia ŭ papraŭčuju ŭstanovu. Ich pryznali vinavatymi ŭ słužbovaj chałatnaści, jakaja pryviała da hibieli 16-hadovaha chłopca. Taksama sud častkova vyzvaliŭ ich ad pakarańnia na 1 hod — pa Zakonie ab amnistyi.
U červieni 2023 hoda pradpryjemstvam byli nabytyja pad znos budynki na vuł. Ja. Maŭra. Niahledziačy na toje, što budynki vyviedzienyja z ekspłuatacyi, transfarmatarnaja padstancyja nie była adklučanaja i znachodziłasia pad napruhaj.
U pačatku 2025 hoda dva školniki zajšli ŭ zakinuty budynak, jaki kaliści naležaŭ cehłavamu zavodu. Tudy lohka možna było prajści. Pry hetym transfarmatarnaja padstancyja była pad napruhaj, a šafy z pravadami — nie začynienyja.
Adzin z padletkaŭ pasprabavaŭ zrezać miednyja kabieli i atrymaŭ śmiarotny ŭdar tokam. Druhi vyklikaŭ chutkuju, ale siabra vyratavać nie ŭdałosia.
Abvinavačanyja — rabotniki pradpryjemstva, jakoje nabyło hetyja budynki: adzin ź ich — namieśnik dyrektara, druhi — načalnik enierhamiechaničnaj słužby.
Zamiest taho, kab adklučyć padstancyju i aharadzić niebiaśpiečnyja miescy, jany nie zrabili ničoha — navat kali pačali prychodzić aficyjnyja papiaredžańni.
Abodvuch pryznali vinavatymi pa art. 428 č.2 Kryminalnaha kodeksa (chałatnaść, što pryviała da hibieli čałavieka).
Sud pryhavaryŭ ich da abmiežavańnia voli na 4 hady biez nakiravańnia ŭ kałoniju. Im zabaranili zajmać kiraŭničyja pasady 5 hadoŭ. A taksama častkova vyzvalili ad pakarańnia pa amnistyi — minus 1 hod.
Z pradpryjemstva na karyść maci zahinułaha padletka spahnana kampiensacyja maralnaj škody ŭ pamiery 60 tysiač rubloŭ.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha74
Kamientary